Cpt Murukunzi na bagenzibe barasaba ishimwe bemerewe na MINISPOC

0
362

Ababinyujije ku mbuga nkoranyambaga zabo abakinnyi bakinnye imikino y’igikombe cy ‘Akarere ka Gatanu cyabereye mu Rwanda mu bagabo ibihe byashize bari gusaba Minisiteri ya Siporo ku baha amafaranga y’ishimwe bemerewe nyuma yo gukina imikino Nyafurika. 

Cpt Murukunzi na bagenzibe barasaba ishimwe bemerewe na MINISPOC



Ikipe y’igihugu ya Volleyball mu bagabo yabonye itike yo gukina igikombe cy’Afurika nyuma yo kuza ku mwanya wa kabiri mu irushanwa ry’Akarere ka gatanu ryabereye mu Rwanda hari muri Nyakanga ariko kugeza n’ubu ntirahabwa amafaranga yemerewe.

U Rwanda rwabonye itike yo kwitabira igikombe cy’Afurika nyuma y’uko rwaje ku mwanya wa kabiri mu irushanwa ry’Akarere ka Gatanu riheruka kubera mu Rwanda aho rwageze ku mukino wa nyuma, ariko ntirwabasha gutsinda kuko Kenya yarutsinze amaseti 3 kuri 1.

Kapiteni w’ikipe y’igihugu ya Volleyball, Mukunzi Christopher aganira n’izubarirashe.rw dukesha iyi nkuru yavuze ko we na bagenzi be bababajwe no kuba amafaranga bemerewe hashize amezi atanu batarayabona kandi barayakoreye.

Yagize ati “Njya numva bavuga ko amakipe y’igihugu yose aba ku rwego rumwe na Volleyball se na yo ni ho ibarizwa? Kuko hari andi makipe yakinnye nyuma yacu kandi yabonye ako gahimbazamusyi (prime)”.

Ndamukunda Flavien umwe mu bakinnyi b’ikipe y’igihugu ya Volleyball ndetse wakinnye n’irushanwa ry’Akarere ka gatanu nawe abinyujije ku rubuga rwe rwa Twitter yavuze ko Kapiteni w’ikipe y’igihugu akwiye kubakorera ubuvugizi kuko na mbere hose bitajyaga bitinda kuko amezi atanu ari menshi.

Ubutumwa bwandikiwe Ministre wa Siporo n’Umuco
Ubutumwa bwandikiwe Ministre wa Siporo n’Umuco



Gervais Munyanziza umuyobozi ushinzwe amakipe y’igihugu muri Minisiteri ifite imikino mu nshingano zayo (MINISPOC) mu kiganiro n’ikinyamakuru izubarirashe dukesha iyi nkuru yavuze ko iyo ikipe ibonye itike ku rwego runaka bakora ibisabwa bakabishyira muri dosiye ubundi bakayohereza muri Minisiteri y’Imari (MINECOFIN) igisigaye bagategereza iyo amafaranga aje nabo bayageza ku makonti y’abakinnyi nk’uko bisanzwe.

Abakinnyi bagomba guhabwa ako gahimbazamusyi kangana n’ibihumbi 500 by’amafaranga y’u Rwanda:

Aba bakinnyi bategereje ako gahimbazamusyi ni: Mutabazi Bosco (APR),Karera Emile (Gisagara VC),Mutabazi Yves (APR),Mukunzi Christophe (Bulgaria),Kavalo Patrick ( ukinira ikipe ya

Gisagara),Ndamukunda Flavien (Gisagara VC), Ntagengwa Olivier (UNIK VC), Murangwa Nelson,Yakan Lawrence (u Buyapani), Musoni Fred (Finland), Sibomana Placide (Qatar), Kwizera Pierre Marchal (Gisagara VC), Mahoro Yvan (Euro Federal University mu Burusiya), na Cyusa Rene Jacob (REG)



Leave a Reply