Hamenyekanye igihe Humble Jizzo n’umukunzi we bazibarukira imfura

0
836

Umuririmbyi ukunzwe cyane mu gihugu cy’u Rwanda, Manzi James wamamaye ku izina rya Humble Jizzo(Muri Urban Boyz) n’umukunzi we Amy Blauman bari mu myiteguro yo kwibaruka umwana  w’imfura w’umukobwa.




Ahagana mu mpera z’Ukwakira 2017 nibwo Humble Jizzo na Blauman batangaje ko bitegura kwakira imfura yabo y’umukobwa ari nabyo byatumye bafata umwanzuro wo guhagarika ubukwe bagombaga gukora mu Ukuboza 2017.

Mbere yuko Noheli igera, Humble na Amy biteganyijwe ko bazerekeza muri Leta Zunze Ubumwe za Amerika ahitwa Wenatchee ho muri Washington kwizihirizayo iminsi mikuru, ndetse banitegura kwakira umwana w’umukobwa mu kwezi kwa Gashyantare.




Amy abinyujije ku rukuta rwe rwa Facebook yagaragaje ko yishimiye kongera kwizihiriza Noheli iwabo nyuma y’imyaka umunani ishize ari hanze yo mu rugo, ndetse avuga ko mu kwezi kwa Gashyantare bazaba bibarutse imfura yabo.

Humble Jizzo na Amy Blauman bahuriye mu mujyi wa Rusizi ubwo Urban Boyz yari yagiye kuririmbirayo muri Primus Guma Guma Super Star, Tariki ya 24 Gashyantare 2017 Humble akaba yarambitse impeta Amy imuhamiriza kuzibanira akaramata.



Leave a Reply