Ethiopia: Umunyamerika yishwe n’abari kwigaragambya

Ethiopia: Umunyamerika yishwe n’abari kwigaragambya

| | Yasomwe inshuro 329 | Ibitekerezo byatanzwe
0
SHARE

Mu gihugu cya Ethiopia imyigaragambyo ikomeje guca ibintu, aho ubu hari umushakashatsi  w’ Umunyamerika wiciwe muri icyo gihugu hakoreshwe amabuye bateraga ku modoka ye.

0624f3d9-4d87-451f-b8dc-af530eff1198_w987_r1_sSharon Gray wari mu bushakashatsi ku buzima bw’ibimera  akaba umukozi wa kaminuza ya California  yari mu gihugu cya Ethiopia mu bushakashatsi, yishwe ku wa kabiri w’iki cyumweru ubwo yari mu modoka ye mu murwa mukuru w’iki gihugu Addis Ababa.

Ubuyobozi bwa kaminuza ya California bwavuze ko hari undi mushakashatsi w’iyi kaminuza na we uherutse kwibasirwa nubwo atakomeretse gusa yahise asubizwa muri Amerika ikitaraganya.

Ambassade y’Amerika na yo yemeje ko hari umuturage wabo wishwe hakoreshejwe amabuye ariko ntibigeze batangaza amazina ye nkuko Ijwi ry’Amerika ribitangaza.

Andy Fell umuvugizi wa kaminuza ya California yavuze ko Gray yari umukozi w’iyi kaminuza kuva mu mwaka wa 2013 ndetse n’umugabo we akaba ari umukozi wa kaminuza ya California.

Ubu bugizi bwa nabi ngo si ikintu kidasanzwe mu myigaragambyo yo mu gihugu cya Ethiopia aho ikorwa n’abadashaka ubutegetsi buriho, byibura abantu bagera kuri 55 barishwe mu mirwano yabaye ku cyumweru hagati y’igipolisi n’abigaragarambya, naho kuva mu kwezi kwa 11/2015 abantu barenga ijana barishwe, Gray akaba ariwe munyamahanga wa mbere wishwe.

NO COMMENTS

Leave a Reply