Gicumbi: Abahinzi b’imyumbati bashyizwe igorora

Gicumbi: Abahinzi b’imyumbati bashyizwe igorora

| | Yasomwe inshuro 144 | Ibitekerezo byatanzwe
0
SHARE

Nyuma y’igihe kitari gito abahinzi b’imyumbati mu karere ka Gicumbi bataka imbuto y’imyumbati yo guhinga, kuri ubu imifuka 500 y’imbuto y’imyumbati yamaze kugezwa mu baturage aho biteganyijwe ko izahingwa kuri ha 25.

img-20161201-wa0012Nkuko umuyobozi w’ubuhinzi n’umutuo kamere mu karere ka Gicumbi Murindangabo Yves Theoneste yabigarutseho, ngo  iyi myumbati ije gukoreshwa mu buryo bwo kuyitubura kugira ngo n’abandi bahinzi bose izabagereho.

Yagize ati:”Iriya myumbati yahawe abaturage bagiye kuyihinga kugira ngo bazayisangize n’abandi kuko ntihagije mu baturage”.

Uyu muyobozi akomeza asaba abaturage kutavanga imbuto nshya babonye n’iyo bari basanganywe itujuje ubuziranenge.

Ati:“Icyo tubasaba nuko bakirinda kuyivanga n’indi myumbati bari basanganywe irwaye.”

Iyi mbuto nshya y’imyumbati yahawe abaturage bo mu murenge wa Giti, Rwamiko, na Bukure aho ngo biteganyijwe ko hari indi igomba kuza mu yindi mirenge isanzwe ihingwamo igihingwa cy’imyumbati.

Nkurunziza Pacifique/touchrwanda.com

NO COMMENTS

Leave a Reply