Ibigo byahize ibindi ntibizongera kureberwa ku banyeshuri byatsindishije

Kuri uyu wa kane mu gikorwa cyo gushyira ahagaragara amanota y’abanyeshuri bakoze ibizamini bisoza amashuri yisumbuye mu mwaka ushize wa 2016 hagaragajwe ko abanyeshuri batsinze neza mu nzego zose ugeranyije no mu myaka yashize.

Ibigo byahize ibindi

Gusa ntihagaragajwe uko ibigo ibigo byahize ibindi mu manota, ariko Umunyamabanga wa Leta muri Minisiteri y’Uburezi ushinzwe amashuri abanza n’ayisumbuye Isaac MUNYAKAZI yavuze ko batatangaza uko ibigo byarushanyijwe bagendeye ku manota yo mu bizamini bya Leta gusa ahubwo harimo gutegurwa ibizajya bigenderwaho mu kugaragaza ikigo cya 1 nkuko yabivuze ati”ntabwo twareba gusa ku manota ngo tuvuge ngo iki kigo nicyo kiza imbere, niyo mpamvu turimo gushyiraho imirongo migari tuyimenyeshe amashuri yose, bidahujijwe n’ubu tuba dutangaza amanota ya leta, bikagira igihe cyabyo”.

Isaac MUNYAKAZI akomeza avuga ko hagiye gushyirwaho ibizajya bigerweho hatangazwa ikigo cyarushije ibindi mu gihe cya vuba kugira ngo bikureho ibigo byajyaga byinubira kugirwa   bitewe nuko nta murongo uhamye wari uhari ati”mu gihe cya vuba turoherereza amashuri yose ibigenderwaho, bizagera mu gihembwe cya gatatu amashuri azi neza ati mu isuku, muri discipline mu myigishirize bazareba uko abarimu bakora, uburyo abana batsinda tube dufite ikintu kigaragaza uko bihagaze muri rusange”.

Nkuko bigaragazwa n’imibare ya Minisiteri y’uburezi abanyeshuri bakoze ibizamini bya Leta mu mwaka wa 2016 bariyongereye, kuko  Abanyeshuri bakoze ibizamini bitegurwa n’ikigo cy’igihugu cy’uburezi REB batsinze ku kigero cya 89,5%, aho abakobwa barushije abahungu kuko abatsinze bangana na 52,5% na ho abahungu bakaba 47.5%, naho abakoze ibizamini bitegurwa n’ikigo cy’gihugu gishinzwe guteza imbere imyuga n’ubumenyingiro WDA batsinze ku kigero cya 88,41%, abakoze ibizamini bitegutwa na Kaminuza y’U Rwanda ishami ry’uburezi batsinze ku kigero cya 99,6%.

Umunyeshuri ushaka kureba amanota ashobora kunyura ku rubuga rwa WDA n’urwa REB, www. reb.rw cyangwa akohereza ubutumwa bugufi yanditse ahagenewe kwandikwa ubutumwa S6 ugakurikizaho Code y’umunyeshuri ukohereza kuri 489.

Ushobora gukunda n'izi nkuru Izindi nkuru zuyu mwanditsi

Leave a Reply

%d bloggers like this: