Ishyaka rya Perezida Kabila ryifuza ko amatora yasubikwa

Ishyaka rya Perezida Kabila ryifuza ko amatora yasubikwa

| | Yasomwe inshuro 463 | Ibitekerezo byatanzwe
0
SHARE

Amashyaka abiri, Ishyaka rya Perezida Kabila, riri ku butegetsi muri Repubulika Iharanira Demokarasi ya Congo, hamwe n’irindi shyaka ritavuga rumwe n’ubutegetsi aho muri Congo yifuza ko amatora ya Pereziya ateganyijwe muri iki gihugu yakwigizwayo kugeza mu kwezi kwa Kane 2018.

joseph-kabila

Aya matora yari ateganyijwe mu kwezi gutaha kwa Ugushyingo 2016, ariko abashinzwe kuyobora aya matora bavuga ko igihe kigikenewe kugirango abagomba gutora babashe kwiyandikisha.

Iki cyifuzo ni kimwe mu bigomba kunvikanwaho mu bizahyirwaho umukono kuwa kabiri utaha, nyuma y’ibiganiro biri kuba ubu, ibiganiro bitorohewe n’imyigaragambyo iri gukorwa na benshi bo mu mashyaka atavuga rumwe n’ubutegetsi aho muri Repubulika Iharanira Demokarasi ya Congo.

Ishyaka rya Perezida Kabila

Ibi bikaba bibanye nyuma y’uko urukiko rukuru rushinzwe itegekonshinga muri icyo gihugu rwemeje ko amatora y’umukuru w’igihugu agomba gusubikwa.

Manda ya kabiri ari nayo ya nyuma kuri Perezida Kabila ikaba yagombaga kurangira uyu mwaka mu kwezi kwa cumi nabiri (Ukuboza 2016), ubu akaba ari gushyirwaho igitutu kugirango arekure ubutegetsi abe yasimburwa n’undi mu Perezida.

Mu kwezi gushize kwa Nzeli, imyigaragambyo y’abadashaka ko amatora ya Perezida wa Repubulika (abatavuga rumwe n’  Ishyaka rya Perezida Kabila) yasubikwa ikaaba yarahitanye abagera kuri 50.

Igihugu cya Repubulika Iharanira Demokarasi ya Congo kikaba kitarigeze kigira isimburana ry’ubutegetsi rinyuze mu mucyo kuva iki gihugu cyabona ubwigenge mu myaka irenga 55.

Perezida Kabila akaba yaragiye ku butegetsi mu mwaka wa 2001 nyuma y’aho Ise yari amaze kwicwa, Itegekonshinga rikaba ritamwemerera kongera kwiyamamariza kuba Perezida wa Congo (DRC).

NO COMMENTS

Leave a Reply