RDC: Samy Badibanga utavuga rumwe na leta yagizwe Minisitiri w’Intebe

RDC: Samy Badibanga utavuga rumwe na leta yagizwe Minisitiri w’Intebe

| | Yasomwe inshuro 166 | Ibitekerezo byatanzwe
0
SHARE

Nyuma y’aho uwari Minisitiri w’Intebe muri RDC Augustin Matata Ponyo aretse imirimo ye, kuri ubu perezida Joseph Kabila yagize Samy Badibanga Minisitiri w’Intebe, uyu akaba yari umuyobozi w’ishyaka ritavuga rumwe na Kabila.

download-1Nkuko Reuters dukesha iyi nkuru ibivuga, ngo kuba Samy Badibanga agizwe Minisitiri w’Intebe, ngo ni mu rwego rwo kugira ngo Kabila akomeze agire imbaraga ku butegetsi, dore ko manda ye biteganyijwe ko izarangira mu kwezi gutaha nubwo we yayigije inyuma kugera mu mwaka wa 2018.

Iri shyirwaho rya Samy Badibanga wari usanzwe aba mu nteko ishingamategeko, ngo rije ritunguranye kuko byari byitezwe ko Kamerhe na we uba mu mutwe utavuga rumwe na leta, ngo niwe wari kuba Minisitiri w’Intebe wa guverinoma nshya.

download-2Badibanga yavanywe mu ishyaka riharaira demokarasi n’imibereho myiza y’abaturage UDPS, mu mwaka wa 2012, hamwe n’abandi badepite bavuye ku ruhande rw’uwari umukandida ku mwanya wa perezida mu mwaka wa 2011  Tshisekedi, wanze umwanya mu nteko ishingamategeko.

Byari biteganyijwe ko amatora muri Congo azaba mu kwezi k’Ugushyingo taliki ya 27 uyu mwaka, ariko Kabila akaba yarayasubitse kugeza mu kwa kane kwa 2018, ngo ku mpamvu z’amikoro ndetse no kuba abaturage bazatora bose batariyandikisha.

NO COMMENTS

Leave a Reply