Turkey: Umwanditsi mukuru w’ikinyamakuru Cumhuriyet yafunzwe

Turkey: Umwanditsi mukuru w’ikinyamakuru Cumhuriyet yafunzwe

| | Yasomwe inshuro 102 | Ibitekerezo byatanzwe
0
SHARE

Mu gihugu cya Turkey igipolisi  cyafunze umwanditsi mukuru w’ikinyamakuru Cumhuriyet kitavuga rumwe na leta, nkuko ibitangazamakuru byabitangaje kuri uyu wa mbere. Ni mu gihe CNN na yo yari yatangaje ko n’abandi banyamakuru 13 batawe muri yobi bari gukorwaho iperereza.af6ddae38a3a1cf6239589659521e22e530e5710Murat Sabuncu umwanditsi mukuru w’iki kinyamakuru, abaye afunzwe mu gihe ubuyobozi buri gushaka uyobora komite y‘iki kinyamakuru Akin Atalay ndetse n’umunyamakuru Guray Oz we akaba yamaze gufungwa.

AFP ivuga ko kugeza ubu polisi iri gukora iperereza mu rugo rwa Atalay na Oz, nkuko Ibiro Ntaramakuru bya Anadolu bibivuga. Iri fungwa ry’abantu rije nyuma y’ihirikwa ry’ubutegetsi bwa perezida Recep Tayyip Erdogan, ndetse bikaba bivugwa ko aba banyamakuru aricyo bari kuzira.

Abantu ibihumbi n’ibihumbi batawe muri yombi abandi bakaba bakiri gukorwaho iperereza kubera iyo Coup d’etat.

Uretse uyu mwanditsi mukuru wafuzwe, leta ya Turkey yafunze ibinyamakuru ijana inafunga abanyamakuru batari bake bakekwaho kugira uruhare muri iri hirikwa ry’ubutegetsi. Guverinoma ikomeza ivuga ko ibikorwa byo kurwanya iki kinyamakuru Cumhuriyet, bibaye nyuma y’aho biketswe ko cyaba gikorana n’ishyaka ritavuga rumwe na leta ba PKK ndetse n’umuyobozi wa isilamu Fethullah Gulen.

Uyu mwanditsi mukuru wa Cumhuriyet afunzwe nyuma asimbuye undi mwanditsi mukuru w’iki kinyamakuru Can Dundar ,wakatiwe imyaka itanu n’amezi icumi.

NO COMMENTS

Leave a Reply