Umwanaditsi w’ ibitabo Wole Soyinka yahiguye umuhigo yahize aca green card

Umwanaditsi w’ ibitabo Wole Soyinka yahiguye umuhigo yahize aca green card

| | Yasomwe inshuro 488 | Ibitekerezo byatanzwe
0
SHARE

Umwanditsi w’ibitabo ubusanzwe ukomoka mu gihugu cya Nigeria, Wole Soyinka wabaga mu gihugu cya America yaje gushyira mu bikorwa umwanzuro yari yarahize maze Green Card imwemerera gutura muri America arayica.

Soyinka wanditse ibitabo bitandukanye cyane cyane akaba yibanda ku kwandika amakinamico harimo The Lion and the Jewel, Death and the King’s Horseman n’ibindi bitandukanye nyuma y’uko we ubwe afashe umwanzuro ko Donald Trump naramuka abaye perezida wa America azahita aca Green card ubu yamaze kuyica arayijugunya.

Image result for Wole Soyinka
Wole Soyinka

Soyinka watsindiye igihembo cya Nobel Prize mu 1986 mu buvanganzo akaba umunyafuruka wa mbere wagihawe, ibi akaba yabikoze mbere y’uko perezida watorewe kuyobora AmerikaTrump arahizwa ubusanzwe uyu ukaba wari umwanzuro yari yarafashe mu kwezi gushyize. Mu magambo ye aganira na AFP nyuma y’uko Trump atsindiye kuyobora Amerika avuhga ko yagombaga guhigura umuhigo yahize agaca Green card.

Yagize ati “Nabikoze, navuye muri Amerika kandi nahiguye icyo nari narahize gukora green card nayijugunye ngaruka aho ngomba kuba.” Ariko we nubwo yamaze guhigura umuhigo yari yarahize ntabwo ashishikariza bagenzi be bari muri Amerika gutere ikirenge mu cye ngo babe baca Green card.

Soyinka ubu akaba abarizwa mu gihugu cya Afurika y’Epfo nyuma yo kuva muri Amerika. Ni nyuma yaho imbaga nyamwinshi itishimiye insinzi ya Trump aho abantu bari biteze ko aadshobora kuba umukuru w’igihugu cya Amerika bitewe n’amagambo benshi batishimiye harimo kuzafunga bamwe mu bayobozi bo muri Afrika nka Yoweli Museveni.

Wole Soyinka yavutse mu 1934 ubu akaba afite abana batandatu ari bo Olaokun Soyinka, Moremi Soyinka-Onijala, Peyibomi Soyinka-Airewele, Makin Soyinka, Iyetade Apampa Uyu mwanditsi w’ikirangirire ku isi yose ubusanzwe ubutumwa atanga abunyujije mu buryo bwo wandika ibitabo bukaba bukoreshwa n’abantu batari bake dore ko ahanini abiga indimi n’ubuvanganzo badasiba gukoresha ibitabo bye.

Yanditswe na Nsanziamana Germain

NO COMMENTS

Leave a Reply