Umwimerere w’amashusho nkora mbikesha ubwiza bw’u Rwanda- Producer Sylvain

Umwimerere w’amashusho nkora mbikesha ubwiza bw’u Rwanda- Producer Sylvain

| | Yasomwe inshuro 142 | Ibitekerezo byatanzwe
0
SHARE

Ishimwe Sylvain ni umusore arimo kuzamuka neza mu rwego rwo gukora amashusho muri muzika nyarwanda, ariko ngo hari ibanga yibitseho akesha ibi byose.

img-20161201-wa0007

Mu kiganiro n’umunyamakuru wa Touchrwanda.com Producer Sylvain, yatangiye atubwira amava n’amavuko y’impano ye.

Yagize ati’’ Ubusanzwe gukora amashusho nahoze mbikunda, bikamba ku mutima gusa nza gushima Imana mbyisanzemo byarangeze mu maraso no mu mishokoro,” It is my professional Passion”, urebye mbiha umwanya wanjye, ku buryo numva nta kindi cya mfata umwanya.’’

Ishimwe Sylvain yamennye ibanga ry’umwuga we!

Ubwo yabazwaga umwihariko we, yagize ati” Umwihariko wanjye ni ugukora ibintu nkunze nkabiha umwanya, ndetse nkabyitondera, irindi banga nyamukuru ni ubutembere ngirira mu gihugu cyacu, kuko niba hari ukora amashusho ataratembera hari ibyahishwe we ataramenya.’’img-20161201-wa0008Yakomeje avuga ko ibyiza nyaburanga by’u Rwanda ugendeye ku miterere n’imiremerwe karemano bishamaje bimufasha gutembera ashaka agashya yakoresha mu ishusho y’indirimbo runaka.

Ishimwe Sylvain, usanzwe ukora muri Revolution music nk’umuntu utunganya amashusho, yatangarije Touchrwanda uko abona ahazaza h’amashusho nyarwanda.

Ati’’Urebye aho tujya ni heza rwose kuko burya cyajyaga kuba ikibazo uramutse ukora ibintu bitajorwa, ubu rero abanyarwanda basigaye ari intyoza mu kureba no gusesengura amashusho bakamenya ubabeshya n’ubaha amashusho y’umwihariko, ibi rero biradukoresha nkatwe dukora amashusho kuko ukorana umurava ugamije ko umwuga wawe utagira icyasha nta gushidikanya ko ahazaza h’amashusho ha muzika nyarwanda n’andi muri rusange ari heza cyane.’’img-20161201-wa0009Ishimwe Sylvain, yagiye akora amashusho atandukanye nk’indirimbo El Shaddai ya Igorora, Titanic ya Cedrick,

Nkurunziza Pacifique/ Touchrwanda.com

NO COMMENTS

Leave a Reply