USA: Umwirabura uheruka kuraswa na polisi ni umugande

USA: Umwirabura uheruka kuraswa na polisi ni umugande

| | Yasomwe inshuro 211 | Ibitekerezo byatanzwe
0
SHARE

Umwirabura uheruka kurasirwa muri Leta Zunze Ubumwe z’ Amerika, muri Leta ya California, arashwe n’ abapolisi ku wa kabiri, iperereza ryasanze uyu mugabo yari umugande wagiye gutura muri Amerika nk’ impunzi.

Uyu mugabo warashwe bigakurikirwa n’ imyigaragambyo ikomeye cyane yabaye kuri uyu wa gatatu, basanze yitwa Alfred Olango, w’ imyaka 30 y’ amavuko akaba yari umugande werekeje muri iki gihugu nk’ impunzi.

Alfred Olango yarasiwe aho bita San Diego ho mu gace ka El Cajon ngo nyuma y’ uko polisi yari yatabajwe. Umuyobi wa polisi mu gace ka El Cajon, Jeff Davis yavuze ko Olango yanze kuvana amaboko mu mufuka ubwo abapolisi babimusabaga inshuro nyinshi biza kumuviramo kuraswa.

Bukeye bwaho abaturage bahise bakorana barakaye bakora imyigaragambyo yamagana ibi bikorwa polisi ya Leta Zunze Ubumwe ikomeje gukorera abirabura baba muri iki gihugu, ibintu byamaze gufatwa nk’ ivangura n’ ironadaruhu bikomeje gukorerwa abirabura. Abigaragambyaga bakaba barasabaga abapolisi ko bahagarika kwica abirabura.

NO COMMENTS

Leave a Reply