Umutoni Tracy Ford ni umwe mu bakobwa bahatanira kwambikwa ikamba rya Nyampinga w’u Rwanda 2017 akaba ahagarariye umujyi wa Kigali.

Umutoni Tracy Ford

Tracy w’imyaka 19 ari mu bakobwa 15 basigaye mu irushanwa bagomba kwerekeza mu mwiherero uzabera i Nyamata kuri Golden Tulip La Palisse kuva tariki 12 kugeza 24 Gashyantare 2017.

Umutoni Tracy yagiranye ikiganiro kirambuye na Touchrwanda atubwira byimazeyo imigabo n’imigambi afite ndetse atubwira n’ibyiyumvo yagira aramutse atorewe kuba Nyampinga w’u Rwanda 2017.

Tracy yarangije amashuri yisumbuye akaba yarize ishami rya PCM(Ubugenge, ubutabire ndetse n’imibare) mu kigo cy’amashuri yisumbuye cya Lycee Notre Damme De Citeaux.

Mu buzima bwe ni ubwa mbere yitabiriye amarushanwa akomeye ya Nyampinga, gusa iki gikorwa agikurikiranira hafi ndetse yatubwiye ko Nyampinga w’ikitegererezo kuri we ari Mutesi Jolly, Nyampinga w’u Rwanda 2016.

Umutoni Tracy ni byinshi ateganya gukora aramutse atorewe kuba Nyampinga w’u Rwanda 2017 nkuko abivuga mu kiganiro twagiranye.

Yagize ati “Ndamutse ntorewe kuba Nyampinga w’u Rwanda 2017 nashishikariza urubyiruko cyane cyane abakobwa kwigira, bakihangira imirimo itandukanye aho kugirango bajye birirwa bateze amaboko imbere ya Rubanda, nkabashishikariza cyane gutangira imishinga ijyanye n’ikoranabuhanga(Digital Business) kugirango babashe kwiteza imbere ndetse banateze imbere igihugu cyacu.

Umutoni Tracy

Yakomeje ashimira abagize akanama nkemurampaka avuga ko nubwo bitaba byoroshye bakora uko bashoboye bikajyenda neza cyane.

Yasoje yibutsa abakunzi be ndetse n’abanyarwanda muri rusange bifuza kumutora ko ari ukohereza ijambo MISS ugasiga akanya ukandika umubare wa 12 hanyuma ukohereza kuri 7333.

Umutoni Ford

Aya ni amwe mu mafoto agaragaza uburanga bwa Umutoni Tracy

Umutoni Tracy Ford

Umutoni Ford

 

Tracy Ford

Umutoni Tracy Ford

TANGA IGITEKEREZO KURI IYI NKURU