Umudage Bastian Schweinsteiger wakiniraga ikipe ya Manchester United yamaze kuyivamo yerekeza muri Leta Zunze ubumwe z’Amerika gukina mu ikipe ya Chicago Fire.

Bastian Schweinsteiger yavuye muri Manchester United

Schweinsteiger yari umwe mu nkingi za mwamba z’ikipe ya Man U akanakinira ikipe y’igihugu y’ubudage, ndetse yayifashije gutwara igikombe cy’isi cya 2014.

The German midfielder won the World Cup with his nation at the 2014 edition in Brazil

Nkuko byemejwe na Nelson Rodriguez umuyobozi wa Chicago Fire, yavuze ko Schweinsteiger bamusinyishije amasezerano y’umwaka umwe aguzwe miliyoni 4.5 z’amadorali.

Aya masezerano yasinywe mu ijoro ryo kuri uyu wa mbere tariki ya 20 Werurwe 2017, gusa biteganyijwe ko Schweinsteiger azerekeza muri Leta Zunze Ubumwe z’amerika nyuma yo gusuzumwa n’abaganga ndetse no guhabwa Viza imwemerera kurenga umupaka wa Amerika.

Schweinsteiger yakuriye mu ikipe ya Bayern Munich dore ko yayikiniye kuva mu mwaka wa 2002 kugeza 2015, ayivamo yerekeza mu ikipe ya Manchester United kugeza uyu mwaka, none yerekeje muri Chicago Fire.

TANGA IGITEKEREZO KURI IYI NKURU