Umukinnyi Bimenyimana Bonfils Caleb witezweho gusimbura Nshuti Savio mu ikipe ya Rayon Sport yamaze gusesekara i Kigali aho aje mu biganiro byo kureba uko yakinira ikipe ya Rayon Sports.

Uyu musore yari asanzwe akinira ikipe y’Intamba ku Rugamba yo mu gihugu cy’u Burundi, akaba yararambangijwe na Rayon Sport kugira ngo yongere amaraso mu busatirizi bw’iyi Kipe.

Bimenyimana Bonfils Caleb uje gusimbura Savio muri Rayon
Bimenyimana Bonfils Caleb uje gusimbura Savio muri Rayon

Caleb namara kumvikana na Rayon Sport azifashishwa mu marushanwa menshi arimo shampiyona ndetse irushanwa ry’Africa ry’amakipe yabaye aya mbere iwayo.

Biteganyijwe ko kuri uyu wa gatandatu tariki ya 05 Kanama 2017, Caleb ashobora kugaragara mu bakinnyi baza gukina umukino wa gicuti uteganyijwe  kubera ku Mumena guhera 14h30.

Caleb aje muri Rayon Sport asangamo bagenzi be baturuka mu Burundi aribo Kwizera Pierrot na Nahimana Shassir.

 

TANGA IGITEKEREZO KURI IYI NKURU