Umunsi w’ejo hashize tariki 15 kanama 2017 guhera saa kumi z’umugoroba (16h00) kuri Petit stade i Remera hakinwaga umukino 2 wahuzaga ikipe ya APR VC na Gisagara VC mu mikino ya Playoffs ikinwa n’amakipe 4 yambere ku rutonde rwagateganyo rwa shampiyona ya Volleyball mu Rwanda mu bagabo no mu bagore.



Umukino wahuzaga ikipe ya Gisagara vc na Apr vc wakinwaga kuri uyu wa kabiri wari umukino wa 2 wahuzaga aya makipe yombi, mugihe Gisagara na Apr zakinnye umukino ubanza mu cyumweru gishize ku kibuga cya Gisagara vc mu ntara Amajyepfo mu karere ka Gisagara.

HHH

Umukino ubanza ikipe ya Gisagara vc yari yakiriye Apr vc ku kibuga cyayo i Gisagara iyitsinda amaseti 3-1 APR.

Umukino wakabiri wakinnywe ni mugoroba ku kibuga Apr vc ikoreraho imyitozo cya Petit stade i Remera, umukino wa kabiri Gisagara vc yisubiza intsinzi ya kabiri ku kibuga cya Apr vc ku maseti 3-1 ya Apr vc, bihesha ikipe ya Gisagara vc gukina umukino wa nyuma n’ikipe izatsinda hagati y’ikipe ya Kirehe VC na IPRC-South.

uj

Umukino wahuje ikipe ya Kirehe VC na IPRC-South warangiye ikipe ya Kirehe itsinze amaseti 3-2 (15-25;25-17;25-22;22-25;11-15)  ubwo bivuze ko bazakina umukino wo kubakiranura kuko ikipe ya IPRC-South yari yatsinze umukino wa Mbere amaseti 3-2(21-25; 25-23; 11-25; 26-24; 15-6).

kk



Dore uko imikino yagenze:
Umukino wa Mbere
Gisagara VC 3-1 APR VC
Kirehe VC 3-2 IPRC-S
Imikino ya Kabiri
Gisagara 3-1 APR VC
Kirehe 3-2 IPRC-S

Gisagara VC ikaba izahura ku mukino wa nyuma n’ ikipe izakomeza hagati ya Kirehe na IPRC-S.

kk

Biteganyijwe ko imikino ya playoffs mu bagabo izasubukurwa tariki ya 26, Kanama, nyuma y’imikino ya KAVC izabera i Kampala muri Uganda aho rizitabirwa n’amakipe ari gukina playoffs.



TANGA IGITEKEREZO KURI IYI NKURU