Yannick Mukunzi wakinaga hagati mu ikipe ya APR FC yamaze gusinyira ikipe ya Rayon Sports amasezerano y’imyaka 2, anahabwa amafaranga angana na miliyoni 12 z’amafaranga y’u Rwanda.

Yannick Mukunzi yasinye muri Rayon Sport



Yannick akaba yari umwe mu bakinnyi beza kandi bakomeye ikipe ya APR FC yifashishaga, uyu musore kandi mu rugendo rwe rwa ruhago akaba yarazamukiye mu ishuri ry’umupira w’amaguru rya APR FC, aho yari anakunzwe kwitabazwaga mu ikipe y’igihugu kandi ari umukinnyi uhoraho.

Mukunzi Yannick w’imyaka 22 bivugwa ko yafashe umwanzuro wo kwerekeza mu ikipe ya Rayon Sports kuko atishimiye kuba iyi kipe yaranze kumuha amasezerano ndetse yabasabye ko bamuha amafaranga yo kugira ngo asinye amasezerano (Recrutements) abayobozi ntibamwumva.



Yannick akaba yiyongereye ku rutonde rw’abakinnyi ikipe ya Rayon Sport imaze gusinyisha harimo Rutanga Eric uherutse gusinyira iyi kipe mu minsi ishize aho nawe yaje asanga Rwatubyaye Abdul na Rwigema Yves bahageze umwaka ushize.

TANGA IGITEKEREZO KURI IYI NKURU