Umunyamakuru kuri RBA Anita Pendo wamamaye cyane nk’umushyushya rugamba ubu akaba abifatanya n’umwuga w’ubunyamakuru, yatangaje ko atifuriza umwana we w’umuhungu aherutse kwibaruka  yaba umushyushyarugamba cyangwa umukinnyi w’umupira w’amaguru nka Se.

Anita Pendo ntiyifuza ko umwana we yaba umushyushyarugamba



Ibi Anita Pendo akaba yabitangarije mu kiganiro yagiranye na RBA asanzwe akorera, avuga ko atakwifuriza umuhungu we kuba mu buzima nk’ubwo yabayemo kuva akibyiruka kugeza  magingo aya.

Anita yakomeje avuga ko abo mu muryango we abo bavukana nta numwe ukora akazi kamwe nk’ako akora, bityo akaba atakwifuza ko umwana we yakora imirimo nk’iyo akora. Ikindi kandi ngo bishobotse ntiyahitamo gukina umupira cyangwa gukora akazi gatuma amenyakana cyane.

Pendo yagize ati: “Nshaka ko azantungura (Surprise) mu byo dukora yaba njye cyangwa papa we mu byo dukora ntazahitemo na kimwe….Nifuza ko yaza ari undi muntu ku buryo mbese yaba ari mu isi yawenyine.”

Anita kuri ubu ubana n’ umukunzi we Ndana ari nawe babyaranye uyu mwana w’umuhungu, ngo yiteze gutungurwa n’umwana we kandi ngo ninabyo byamushimisha kurusha uko yaza ashaka gukora akazi nk’ak’ababyeyi be. Yagize ati: “Mbese mbanumva yazaza ambwira ibintu byinshi cyane bijyanye n’imibare, ibintu njyewe ntigeze nkora cyangwa papa we atakoze, byanshimisha peee.”




Anita yakomeje agira ati: “Ubu ngubu abo tuvukana bose mu muryango nta numwe duhuje umwuga, buri wese akora ibye kandi nta n’umwe uri muri uyu mwuga nkora, ntekereza ko ntacyo byaba bintwaye njyewe, yaba umuganga, umunyamategeko, yaba Minisitiri cyangwa ikindi ashaka.”

TANGA IGITEKEREZO KURI IYI NKURU