Ku munsi w’ejo wo kuwa Gatandatu taliki ya 16 Nzeri 2017, kipe ya Gisagara VC niyo yegukanye igikombe cya shampiyona ya Volleyball nyuma yo kwitwara neza mu mikino ya Playoffs itsindiye iwayo ikipe ya Kirehe amaseti 3-1

Gisagara VC yegukanye igikombe cya Volleyball shampiyona 2017


Muri uyu mukino ikipe ya Kirehe yari yakiriye ikipe ya Gisagara, Kirehe VC yasabwaga gutsinda uwo umukino kugira ngo hazitabazwe umukino wa gatatu, gusa ntiyorohewe n’ikipe ya na Gisagara yari yatsinze umukino ubanza ndetse ikaza no muri uyu ihagaze neza kuko yabashije kubatsinda ku maseti 3-1 (20-25, 20-25, 26-24, na 23-25).

Nk’uko bigaragara hejuru, iseti ya mbere Gisagara yayitsinze ku manota 25 kuri 20, iya kabiri Gisagara iyitsinda ku manota 25 kuri 20 mu gihe iseti iya 3 yatsinzwe na Kirehe ku manota 26 kuri 24 maze iseti ya nyuma Gisagara iyitsinda ku manota 25 kuri 23.

Gisagara VC yegukanye igikombe cya Volleyball shampiyona 2017


Gutsinda uyu mukino byahise bifasha iyi kipe ya Gisagara gutwara igikombe cya shampiyona ku nshuro yayo ya mbere, aho yiyongereye ku ikipe ya Rwanda Revenue Authority yagitwaye mu bagore.

Gisagara VC yegukanye igikombe cya Volleyball shampiyona 2017


TANGA IGITEKEREZO KURI IYI NKURU