Guhera kuri uyu wa gatandatu no ku Cyumweru mu mugi wa Kigali hateganyijwe irushanwa rya Carre d’ As, rihuza amakipe ane y’ abagabo n’ abagore yasoje shampiyona mu myanya ine ya mbere.





Iri akaba ari irushanwa risoza umwaka w’ imikino ya volleyball yo mu nzu (indoor volleyball) y’ umwaka wa 2017 aho Gisagara volleyball club na Rwanda Revenue arizo ziherutse kwegukana ibi bikombe.

Ndamukunda Flavien (hagati), imwe mu nkingi za mbwamba za Gisagara
Gisagara VC niyo iherutse kwegukana igikombe cya shampiyona mu bagabo

Buretse igikombe cya Carre d’ As bazaba bahatanira, ninaho aya makipe azashyikirizwa ibikombe bya shampiyona yegukanye. Kuri uyu wa Gatandatu nibwo hakinwa imikino y’ amajonjora, naho ku Cyumweru habe imikino ya nyuma ku makipe abiri azaba yahageze muri buri kiciro.

Mutatsimpundu Denise yataka umupira ku mukino wa nyuma
RRA na APR zihora zihanganye iyo zahuye




Imikino y’ abagabo iteganyijwe kubera mu nzu y’ imikino izwi nka ‘Petit Stade’ ndetse niya NPC iri iruhande rwayo, naho iy’ abakobwa igakinirwa mu nzu y’ imikino ya Kimisagara; imikino yose ikazatangira ku isaha ya saa sita z’ amanywa.

Dore uko amakipe azahura mu majonjora:

Abagabo

Kuwa Gatandatu – Amajonjora

Gisagara v IPRC South                 12h00

Kirehe v APR                                 12h00

Kirehe v IPRC South                     14h00

Gisagara v APR                             14h00

APR v IPRC South                         16h00

Gisagara Kirehe                            16h00



Amakipe abiri ya mbere (mu bagabo) nyuma yo guhura yose, azahurira ku mukino wa nyuma ku Cyumweru ku isaha ya saa cyenda z’ amanywa mu nzu y’ imikino ya ‘Petit Stade’.

Abagore

Kuwa Gatandatu

RRA V Ruhango          12h00

APR V St Aloys            12h00

APR V Ruhango          14h00

RRA V St Aloys            14h00

St Aloys v Ruhango    16h00

RRA V APR                   16h00

Nyuma yo guhura hagati yayo, amakipe abiri ya mbere (abagore) niyo azahatanira igikombe ku mukino wa nyuma uzaba ku Cyumweru guhera ku isaha ya saa13h00 kuri Petit Stade Remera.



TANGA IGITEKEREZO KURI IYI NKURU