Ibi Zari Hassan, umugore wa Diamond Platnumz, yabitangaje nyuma yo kumenya ko umugabo we, aherutse kwemeza ko yabyaranye n’ umunyamidelikazi Hamisa Mobetto, ati nta munabi no kwiheba kubera gucibwa inyuma.

Diamond Platnumz yemeje mu buryo budasubirwaho ko ari we se w’umwana wavutse akanitwa amazina ye



Ibi Zari Hassan yabinyujije mu butumwa yashyize hanze ku birebana n’inkuru iri hanze y’uburyo Diamond yemeye ko ari se w’umwana yabyaranye n’umunyamideli wo muri Tanzania Hamisa Mobeto, wari umaze igihe kitari gito avuga ko uyu muhanzi ari we wamuteye inda, ariko Diamond we agakomeza kubyihakana avuga ko uko gutwita kwe na we yakimenyeye mu itangazamakuru.

Ku rukuta rwe rwa Instagram Zarithebosslady agaragaza ko ari umugore w’umunyakazi, ubyuka kare, utarangwa n’ishyari cyangwa ibindi byatuma yuka inabi uwamuhemukiye nk’uko bamwe babitekerezaga. Benshi mu bamukurikira bari bakomeje kumugira inama zirimo izo kwihimura agatandukana na Diamond gusa ntacyo yabivuzeho.

Zari yagize ati “Narabumvise cyane, ku nama mumpa, kumpumuriza, kungaragariza impuhwe, ububabare mwumva ku bwanjye ariko mbere ya byose ku bw’ubu buhemu. Gusa reka turebe ibi mu ruhande rutari urw’ibibi gusa. Iyo umuntu ahisemo kuguca inyuma, ntabwo ari wowe aba abigiriye ahubwo ni we bihindukana kuko basanga bibahindutse bibwiraga ko ari wowe bihangayikisha.”

Yakomeje agira ati “Ntabwo ukwiye kwiheba na rimwe, ntuzatekereze ko nta gaciro ufite kubera amakosa y’undi muntu kandi ntuzibareho umugayo. Gusa buri gihe uzajye umenya uko uhaguruka ukomeze urugendo. Ibyo bivuga ko, muri iki gihe isabukuru yanjye yegereje, reka dushyire ku ruhande imbaraga z’ibibi dushime, Ubuzima!”



Zari Hassa ati nta munabi no kwiheba kubera gucibwa inyuma n'umugabo wanjye
Zari Hassan ati nta munabi no kwiheba kubera gucibwa inyuma

Kuri ubu Zari na Diamond bamaze kubyarana abana babiri, umwana wa mbere w’umukobwa witwa Latiffah Naseeb [Dangote] yavutse ku wa 6 Kanama 2015, naho uw’umuhungu ufite amezi atanu bamwise Prince Nillan Dangote. Aba bana babiri kandi bakaba biyongera ku bandi bana batatu Zari yabyaranye na nyakwigendera Ivan Semwanga aribo Pinto, Quincy n’uwitwa Didy.

Nubwo Diamond yari yaranze kwemera icyaha, hari hashize igihe yotswa igitutu n’ibimenyetso bigaragaza ko yaciye inyuma Zari akabyarana n’umunyamideli Hamisa Mobetto, umukobwa yakoresheje mu mashusho y’indirimbo yitwa ’Salome’ yakoranye na Rayvanny.

Zari Hassa, umugore wa Diamond Platnumz

Mu kiganiro uyu muhanzi yagiranye na Radio Clouds Fm kuri uyu wa Kabiri, tariki 19 Nzeri 2017, Diamond Platnumz yemeje mu buryo budasubirwaho ko ari we se w’umwana wavutse akanitwa amazina ye, nubwo yari yaramwihakanye inshuro nyinshi avuga ko Hamisa ari ’indaya ishaka kwamamara gusa.


TANGA IGITEKEREZO KURI IYI NKURU