Kagere Meddie na Tuyisenge Jacques abanyarwanda bakinira ikipe ya GorMahia bayifashije kwegukana igikombe cya shampiyona ya 2017 muri Kenya aho yarushaga ikipe ya kabiri ariyo SOFAPAKA amanota 18.



Mu mukino wabaye kuri uyu wa gatandatu wahuje ikipe ya Ulinzi Stars na GorMahia umukino waje kurangira ikipe ya GorMahia ibashije gutsinda ikipe ya Ulinzi Stars igitego kimwe kubusa iki gitego kikaba cyatsinzwe na Kagere Meddie.

Kagere Meddie na Tuyisenge Jacques bafashije cyane iyi kipe ya Gor Mahia kuko bombi batsinze ibitego 23 kugeza kuri ubu, mu bitego 41 iyi kipe yatsinze kugeza ubu. Mugiraneza Jean Baptiste akaba yaratsinze igitego nawe. Bivuga ko aba bakinnyi b’abanyarwanda batsinze 60% by’ibitego bifashije iyi kipe gutwara igikombe.



Ikipe ya GorMahia ikaba yegukanye igkombe mugihe hakibura imikino igera kuri 5 ngo shampiyona yo muri Kenya irangire, amakuru ava mu gihugu cya Kenya, avuga ko iyi kipe ishobora kuzashyikirizwa igikombe cyayo yegukanye mu byumweru 2 biri imbere, ubwo izahura na Western Stima.



TANGA IGITEKEREZO KURI IYI NKURU