Umuhanzi ukunzwe mu Rwanda, Burabyo Yvan wamamaye nka Yvan Buravan yamaze gusubira muri Label ya New Level nyuma yo kubona ko icyerekezo cye kiri mu marembera.




Tariki ya 26 Gicurasi 2017, nibwo amakuru yabaye kimomo ko Yvan Buravan atacyibarizwa muri New Level nyuma yuko amasezerano bari bafitanye arangiye.

Kuri iyi tariki ya mbere(1) Ugushyingo 2017, Yvan Buravan abinyujije ku rukuta rwe rwa Instagram yatangaje ko yagarutse muri New Level, ndetse n’abayobozi bayo bahita bamuha ikaze.

Yvan Buravan yasubiye muri New Level
Yvan Buravan yasubiye muri New Level

Buravan yagize ati “Rimwe na rimwe hari igihe twumva uko kuba mu rugo bimera, iyo wagiye utacyihaba, hari hashize igihe nsa nk’uwataye mu rugo ariko ubu ndagira ngo menyeshe inshuti, abavandimwe ndetse n’abafana banjye ko nagarutse mu rugo ari rwo ‘New Level’.”




Nyuma yo kuva muri New Level, Buravan yatangiye kuzima mu muziki, bamwe bati yazanye amashagaga none aranze aribagiranye, ibi bikaba aribyo bitumye agaruka muri iyi Label kugira ngo bongere bamufashe agaruke mu kibuga cy’umuziki w’u Rwanda.

Buravan yaratangiye kwibagirana mu mitwe ya benshi
Buravan yaratangiye kwibagirana mu mitwe ya benshi

INDI NKURU WASOMA

New Level igiye gufasha undi muhanzi-David Bayingana

TANGA IGITEKEREZO KURI IYI NKURU