Ushobora kuba warashatse cyangwa uri mu rukundo  umerewe neza mu mubano buri kimwe cyose kigenda neza, ariko hari ibintu wakinisha gukora byagutandukanya byoroshye n’umukunzi, bigasenya byoroshye umubano wanyu.

Itondere gukora ibi bintu kuko byagutandukanya byoroshye n'umukunzi


Umunsi umwe hari igihe uhura nuwahoze ari umukunzi wawe (umu x) mugahuza urugwiro mugatangira kwibukiranya ibihe byiza mwigeze kugirana ku buryo hari ushiduka mumeze nk’abasubiranye, mugatangira kohererezanya ubutumwa bugufi mugahamagarana, mukohererezanya emails mu izina ry’ubushuti bwa kera. Ibi bituma wongera kumwiyumvamo cyane bikaba byatuma umubangikanya n’uwo mwari musanzwe muri kumwe.

Burya iyo utangiye kujarajara mu bakunzi benshi ni ibintu bikuremamo akavuyo kuburyo ushiduka uwo muhuye wese ushaka ko mukundana, kuko uhura n’umukunzi mushya ukirengagiza uwo mwari musanganywe, ni ibintu byo kwirindwa cyane. Nibyo birashoboka ko mwahura ukamwifuza ariko ni ibintu utagomba guha umwanya mu bwonko bwawe,kuko nuramuka witaye kuwo muhuriye mu nzira uzatangira kumugereranya n’uwo mukundana ureba ibyo amurusha bibe byagutera kumubangikanya nawe.

Irinde kwandikirana n’abandi bantu muvugana iby’urukundo, ibuka ko usanzwe ufite umukunzi kandi ugukunda,andikirana n’abantu batatuma utendeka umukunzi wawe.ganira n’umugore cyangwa umugabo wawe ibijyanye n’umushinga w’umubano wanyu.hagarika kumukinisha utekereza abandi bantu mwahuriye mu nzira,kuko naramuka abimenye bizakugiraho ingaruka zikomeye.kora ibintu bituma umubano n’umukunzi uramba.

Irinde kuvuga nabi umubanyi no kumugereranya n’abandi bakunzi b’inshuti zawe cyangwa abo ubonye mu nzira, nuramuka ushaka ko aba nk’umuntu runaka wabonye muri film ntabwo bizakunda, byirinde cyane, ereka umukunzi wawe icyizere no kumwubaha, muhe umwanya uhagije, mutungure bya hato na hato umuhe impano mbese musangire ubuzima.


TANGA IGITEKEREZO KURI IYI NKURU