Ikinyamakuru Forbes Magazine cyasohoye urutonde rw’abasiporitifu binjije amafaranga menshi b’ibihe byose. Nyuma y’imyaka 14 ishize ahagaritse gukina, Michael Jordan umwirabura wabiciye bigacika muri NBA ni we ukiri ku isonga mu gihe nta mukinnyi w’umupira w’amaguru uri muri batanu ba mbere.



Cristiano Ronaldo umusiporitifu uri ku isonga ry’abinjije menshi muri uyu mwaka wa 2017 aho abarirwa mu kayabo ka miliyoni 68 z’ama-Euro, kuri uru rutonde rw’ibihe byose biracyamusaba kwiyuha icyuya kuko yisanga ku mwanya wa 12 aho abarirwa ku k’akayabo ka miliyoni 520 z’ama-Euro.

Michael Jordan uza ku isonga kuri uru rutonde rw’ibihe byose akaba abarirwa umutungo wa miliyari 1,6 z’ama-Euro. Amafaranga menshi uyu mugabo akaba ayakura mu bikorwa byo kwamamaza ndetse no mu ikipe ye ya Charlotte Hornets.

Batatu bakurikira uyu mugabo ni abakinnyi ba golf bayobowe na Tiger Woods ufite umutungo ubarirwa mu miliyari 1,44 y’ama-Euro, agakurikirwa na Arnold Palmer (1,18 miliyari z’ama-euros) na Jack Nicklaus, aba babiri ba nyuma akaba ari nabo ba siporitifu baheruka kwinjira mu mubare w’abarengeje miliyari y’ama-Euro.

Ku mwanya wa 5 haza umudage Michaël Schumacher wamamaye cyane mu mukino wa Formula 1, aho abarirwa mu mutungo ungana na miliyoni 844 z’ama-Euros, agakurikirwa n’undi mukinnyi wa Golf, Phil Mickelson (ufite miliyoni 688 z’ama-euros), hagakurikiraho ikindi kirangirire mu mukino wa Basketball, Kobi Bryant (ufite miliyoni 676 z’ama-euros).

K’umwanya wa 8 ni ho dusanga umukinnyi wa mbere w’umupira w’amaguru, uyu akaba ari umwongereza David Beckham ubarirwa muri miliyoni 676 z’ama-Euros. Inyuma ye haza umukinnyi wa Boxe, Floyd Mayweather ariko abakurikiranira hafi banemeza ko yagakwiye kuba ari mu myanya yisumbuyeho kuko Forbes Magazine ikora uru rurtonde itigeze ishyiramo akayabo ka miliyoni 250 z’ama-Euro yegukanye nyuma y’umurwano w’ikinyejana wamuhuje na McGregor.

David Beckham wabiciye bigacika muri Manchestr United, Real Madrid ndetse akaba yaranabaye kapiteni w’ikipe y’igihugu y’u Bwongereza 3 Lions ni we mukinnyi wa ruhago uza imbere

Shaquille O’Neal na we wahoze afatwank’umwami wa NBA ni we ufunga urutonde rw’ibihe byose rw’abinjije akayabo b’abasiporitifu aho abarirwa miliyoni 621 z’ama-Euros.

Cristiano Ronaldo agaragara ku mwanya wa 12 muri uru rutonde nakayabo ka Milliyoni 725 z’idolari



Dore urutonde rwa 20 ba mbere, aha amafaranga ari mu madorali ya Amerika

1.Michael Jordan (basket): 1,85 miliyari
2. Tiger Woods (golf): 1,7 miliyari
3. Arnold Palmer (golf): 1,4 miliyari
4. Jack Nicklaus (golf): 1,2 miliyari
5. Michael Schumacher (F1): 1 miliyari
6. Phil Mickelson (golf): 815 miliyoni
7. Kobe Bryant (basket): 800 miliyoni
8. David Beckham (football): 800 miliyoni
9. Floyd Mayweather (boxe): 785 miliyoni
10. Shaquille O’Neal (basket): 735 miliyoni
11. LeBron James (basket): 730 miliyoni
12. Cristiano Ronaldo (football): 725 miliyoni
13. Greg Norman (golf): 705 miliyoni
14. Mike Tyson (boxe): 700 miliyoni
15. Roger Federer (tennis): 675 miliyoni
16. Lionel Messi (football): 600 miliyoni
17. Alex Rodriguez (baseball): 575 miliyoni
18. Jeff Gordon (nascar): 525 miliyoni
19. Oscar De La Hoya (boxe): 520 miliyoni
20. Manny Pacquiao (boxe): 510 miliyoni



TANGA IGITEKEREZO KURI IYI NKURU