Ntawe uhamagara urukundo, gukunda no gukundwa ni ibintu byiza kandi birizana. Iyo warugezemo, ni byiza ko ukora ibishoboka byose kugirango urusigasire wirinda imico mibi yaruhungabanya, bitabaye ibyo ntiruzamara kabiri.

Niba urangwa n' iyi mico uko ari 7 nta mukunzi muzamarana kabiri



Nkuko abahanga mu by’urukundo babivuga ndetse bakanabyandika, kuramba k’urukundo bizaturuka kuri ba nyirubwite mu mico yabo ku buryo hari itaboneye bakagombye kugerageza kwirinda ahubwo bakimika imico myiza ibereye.

Niba rero wifuza kuramba mu rukundo, itandukanye n’imwe muri iyi myitwarire kuko ishobora gutuma nta mukunzi mumarana igihe:

1. Kugira umutima mubi: Iyo ufiye umuco wo kugira umutima mubi no kutaba umuntu mwiza biragorana kubona umukunzi muzarambana. Kuko mu rukundo nta muntu wishimira gukundana n’umuntu mubi kuko aba abona nta ejo hazaza urukundo rwabo ruzagira. Ikindi kandi umuntu nkuyu nta kiza wakwigera umubonamo.

2. Ubugugu no kwikunda: Umuco wo kwikunda no kugira ubugugu ni kimwe mu bintu bisenya umubano w’abakundana kuko akenshi mu rukundo haba hagomba kubaho kwitanga no kwigomwa. Ni byiza gusohokana n’umukunzi wawe, kumuha impano zitandukanye kabone niyo zaba zidahenze, kandi niyo yaba ihenze wayimuha bitewe n’urukundo umukunda. Umusore cyangwa umukobwa wikunda nta mukunzi barambana.

3. Kwiyemera: Nubwo bakunze guca umugani ngo ‘Umusore utiyemeye ntarongora inkumi’ ;kwiyemera ni undi muco ushobora gutuma utarambana n’umukunzi wawe bitewe n’uko akenshi wiyemeza ibyo udafite ndetse bikaba byanatuma usesagura mu rwego rwo gushaka kwereka uwo ukunda ko uri hejuru cyane kurusha uko yabitekerezaga.



4. Kubeshya: Umuntu ubeshya biragora ko yabona umukunzi bazarambana, kandi kenshi na kenshi n’iyo amubonye ntibarambana kubera uyu muco wo kutamenya kuvugisha ukuri. Iyo umwe mu bari mu rukundo afite uyu muco wo kubeshya, umwe atakariza ikizere mugenzi we. Kandi muri rusange biragorana kwizera no kugirana imishinga y’igihe kirekire n’ umuntu w’umubeshyi.

5. Gufatafata: Umusore cyangwa umukobwa ufatafata biramugora kubona umukobwa cyanwa umusore bakundana bakamarana igihe kuko n’iyo agize amahirwe yo kubona  umukunzi usanga ahora ararikira abandi abonye bigatuma umubano wabo uzamo agatotsi ntumare kabiri.

6. Kutanyurwa: Umukunzi ufite imico yo kutanyurwa ahorana irari ku buryo niyo ari mu rukundo, iteka usanga ahora yifuza, ugasanga agereranya umukunzi we n’abandi. Ibi iyo abikoze ari kumwe n’uwo akunda, bihita bimwereka ko nta rukundo amufitiye, bigatuma yumva atamwitayeho ndetse bakaba batandukana.

7. Kutiyakira uko uri: Umusore cyangwa umukobwa ufite imico yo kutiyakira uko ari, ugasanga buri gihe arigereranya n’abandi, bituma ntawe barambaga kuko iteka iyo ari mu rukundo usanga abayiteze ko umukunzi we amukorera ibintu birenze cyangwa bihuje ni bya runaka. Mu gihe atabibonye usanga nta byishimo, nta kizere afitiye umukunzi we, akenshi bikaba byanavamo intandaro yo gutandukana nawe.



TANGA IGITEKEREZO KURI IYI NKURU