Ibyiza byo kumva umuziki

0
1336

Abantu benshi batuye ku isi usanga ikintu kibashimisha kurusha ibindi ari ukumva umuziki bakunda, kuko ubafasha kugabanya umunaniro ndetse Ukabaha n’ibyishimo bifuza.

Umuziki ufasha abana bato gutuza



Iyo urebye n’abawukora usanga ubatunze cyane kuko kuva ku muhanzi nyirizina, umu Producer umukorera indirimbo ze, abajyanama be n’abandi bantu bafite aho bahuriye n’umuziki bose usanga bafite agatubutse, haba mu Rwanda ndetse no hanze yarwo.

Muri iyi nkuru Touchrwanda yabateguriye, urabasha kwirebera bimwe mu bintu byiza umuziki ushobora kugufasha mu buzima bwawe bwa buri munsi

Kumva umuziki bigufasha gukora imyitozo ngororamubiri

Burya umuntu ukora siporo arimo kumva umuziki ntashobora kumva ko yananiwe, kubera ko ubwonko buba bumeze nkaho buri mu yindi Si, ntibwite ku gikorwa nyirizina umubiri urimo gukora.

Umuziki ushobora kukwibutsa ibihe byawe bya kera

Hari igihe wumva indirimbo runaka igahita ikwibutsa ibihe bya kera, ndetse rimwe na rimwe ibitekerezo bikanakwereka ahantu waruherereye urimo kumva iyo ndirimbo, inaha bakunze kubyita Karahanyuze(Abakuze usanga iyo bumvishe Karahanyuze bahita bibuka nk’uburyo bajyaga bajya gutereta abakobwa bo mu rungano rwabo).

Umuziki utuma ubwonko bukora neza

Hari imitsi imwe nimwe isinzira iyo umaze igihe kinini utumva umuziki, iyo wongeye kuwumva bigufasha gukangura ya mitsi, bikanatuma ubwonko burushaho gukora neza cyane.

Umuziki utuma umutima utera neza

Hari igihe usanga umuntu afite ikibazo cyo kugira umutima utera cyane, gusa iyo wumvishe umuziki bigufasha kuba umutima wawe wakongera gutera neza ntakibazo ufite.

Umuziki ni umwanzi w’umunaniro no kwiheba

Iyo Umuziki ugeze mu matwi y’umuntu, Umunaniro no kwiheba birahunga k’uburyo umuntu ahita abiburira irengero.




Umuziki ufasha abana bato gutuza no gusinzira neza

Iyo umwana muto yumvishe umuziki  bimufasha kurushaho kugubwa neza, agaceceka cyane k’uburyo akenshi usanga yahise anasinzira, ibi ngo burya biranamufasha mu mikurire ye.

Umuziki ufasha abana bato gutuza
Umuziki ufasha abana bato gutuza

Umuziki ufasha abagabo gutera akabariro neza

Hafi 90% by’abagabo batuye ku isi, usanga bakunda kumva umuziki mu gihe bari gutera akabariro, ibi ngo bibafasha kumva bamerewe neza ndetse no kugira imbaraga nyinshi muri iki gikorwa, ibi kandi ngo bishobora no gutuma umugabo atarangiza vuba.

Umuziki ugabanya umunaniro ukabije n’umujinya

Burya umuntu naho yaba yababaye kajana, hari igihe ashobora kumva indirimbo akunda cyane ku isi maze agahita yishima bimwe byo mu rwego rwo hejuru k’uburyo akenshi usanga yahise anibagirwa ibibazo yari afite, Si ibyo gusa kandi kuko umuziki ufasha abantu kwirinda umunaniro ukabije uturuka mu mirimo inyuranye baba bakoze.

Umuziki utuma umuntu akora neza akazi ke

Iyo uri mu kazi urimo kumva umuziki, hari igihe ushobora gushiduka wakoze imirimo y’ikirenga bitewe n’umurava udasanzwe uba ufite.

NB: Kumva umuziki usakuza cyane (HIGH VOLUME) bishobora kukugiraho ingaruka mbi zirimo no gupfa, ni byiza ko twumva umuziki uri mu rugero kugira ngo dukomeze kugira ubuzima buzira umuze.

Umuziki n'ingirakamaro ku buzima bwacu bwa buri munsi
Umuziki n’ingirakamaro ku buzima bwacu bwa buri munsi

DUSOZA INO NKURU REKA TUKWIBUTSE KO USHOBORA NO GUKORA INDIRIMBO YAWE BWITE MAZE UKAJYA UYUMVA CYANGWA SE UKAYIMVISHA ABAWE, IBI BYOSE UZABIGERAHO NUYOBOKA TOUCH ENTERTAINMENT IHEREREYE I NYAMIRAMBO KURI 40 KUKO BAGUFITIYE IBIKORESHO BIGEZWEHO N’ABA PRODUCER BAFITE UBUMENYI BWAGUFASHA GUKORA INDIRIMBO YAWE IGASOHOKA IMEZE NEZA.



Tanga Igitekerezo....