Inteko rusange y’ishyirahamwe ry’umukino wa Volleyball mu Rwanda(FRVB) yari yarasibutswe mu mpera z’icyumweru gishize igiye guterana kuri uyu wa gatandatu tariki ya 13 Mutarama 2018.



Kuri uyu wa Gatandatu tariki ya 13 Mutarama 2018, hateganyijwe inama idasanzwe y’ Inteko rusange y’ ishyirahamwe ry’ umukino wa volleyball mu Rwanda (FRVB). Iyi nteko rusange idasanzwe, ikaba izatangira ku isaha ya saa tatu za mu gitongo (09h00), mu cyumba cy’ inama cya Minisiteri ya Siporo n’ Umuco i Remera.

Dore Ingingo z’ ingenzi zi zigirwa muri iyi nteko rusange idasanzwe:

  1. Gutangiza shampiyona y’ igihugu ya volleyball, aho hazigwa inyandiko zigendanye n’ amategeko ya shampiyona, amategeko agenga ihinduranya ry’ amakipe (transfer) n’ ingengabihe.
  2. Imikorere n’ imikoranire y’ inzego za FRVB

Muri Iyi nteko rusange hazemerezwamo abanyamuryango bashya barimo ikipe yitwa Umucyo yo mu Karere ka Huye n’ikipe y’Akarere ka Nyaruguru ziramutse zemejwe zatangira gukina shampiyona y’icyiciro cya kabiri.

Amakipe asanzwe akina shampiyona y’icyiciro cya mbere mu bagabo ni: Gisagara VC, Kirehe VC, Tourism Technology and Business Studies (UTB), Kigali Volleyball Club (KVC), IPRC-South VC, Rwanda Energy Group (REG) University of Kibungo (UNIK) na APR VC.

Naho mu bagore ni: Rwanda Revenue Authority (RRA), Ruhango High School, St Joseph, APR, IPRC-Kigali na St Aloys y’i Rwamagana.

Abakunzi ba volleyball bemerewe gukurikirana iyi nteko rusange. Abazahabwa ijambo ni abanyamuryango gusa.



TANGA IGITEKEREZO KURI IYI NKURU