Amakipe ya Rayon sports na APR FC azahagararira u Rwanda mu marushanwa nyafurika ya CAF yamenye amatariki azakiniraho n’amakipe zizakina nayo.

Rayon Sports na APR FC zamenye amakipe zizakina nayo mu mikino ya CAF
Rayon Sports na APR FC zamenye amakipe zizakina nayo mu mikino ya CAF



Ni nyuma y’inama ya komite nyobozi ya CAF hahise hatangazwa ingengabihe ya CAF Champions League na CAF Confederation cup 2018. Amakipe azahagararira u Rwanda APR FC na Rayon sports arabura iminsi mike ngo akine imikino ya mbere y’iryo rushanwa rya Caf.

Imikino ya mbere y’ijonjora ry’ibanze ry’amarushanwa abiri ya CAF; Igikombe gihuza amakipe yabaye aya mbere iwayo ‘CAF Champions League 2017’ n’igihuza amakipe yatwaye ibikombe iwayo ‘CAF Confederation Cup 2017’ iteganyijwe mu mpera z’icyumweru cya kabiri cya Gashyantare.

Ama-Club afite abakinnyi mu makipe y’ibihugu azagera ku mukino wa nyuma w’igikombe cya Afurika cy’abakina imbere mu bihugu byabo ‘CHAN2018’ azababona habura iminsi mike kuko ‘final’ ya CHAN iteganyijwe tariki 4 Gashyantare naho imikino ya mbere y’amarushanwa ahuza ‘clubs’ ikinwe mu mpera z’icyumweru za tariki  9-11 Gashyantare 2018.

Rayon sports yatomboye Lydia Ludic (LLB Académic FC)  y’i Burundi na APR FC yatomboye Anse Réunion yo mu birwa bya Seychelles. Aya makipe yombi azatangira yakirwa mu mujyi wa Kigali muri iyo week-end ya kabiri ya Gashyantare 2018.

Imikino yo kwishyura iteganyijwe mu mpera z’icyumweru za tariki 23-25 Gashyantare 2018. Aya makipe yo mu Rwanda yombi afite intego zo kugera mu matsinda y’aya marushanwa ya CAF azakinwa muri Kanama naho imikino ya nyuma izakinwa mu Ugushyingo 2018.

Umwaka w’imikino ushize APR FC yari yahagarariye u Rwanda muri CAF Champions League yasezerewe na mu ijonjora ry’ibanze itsindiwe i Kigali na Zanaco FC yo muri Zambia naho Rayon sports isezererwa mu ijonjora rya gatatu muri CAF Confederation Cup atsinzwe na Rivers United yo muri Nigeria.



Leave a Reply