Kuri uyu wa Mbere tariki 9 Mutarama 2017 hagaragajwe imibare y’abanyeshuri bakoze ibizamini bya Leta bose n’uko bagiye batsinda, hagaragazwa n’abanyeshuri babaye aba mbere.

Hamenyekanye igihe abakoze ibizamini bya leta bazamenyera amanota



Abanyeshuri bose bari biyandikishije gukora ikizamini cya Leta gisoza amashuri abanza, bari 194,052 ariko abakoze ni 187,139 barimo abakobwa 103,445 (55,28%) n’abahungu 83,694 (44,72%), bisobanura ko abakobwa ari bo bari benshi.

Muri aba bose, abatsinze n’amanota yo hejuru yo mu cyiciro cya mbere, ni 9,957 barimo abakobwa 4,238 naho abahungu bakaba 5,719. Abandi 159,785 basigaye bangana na 85,4% bo bagize amanota ari mu bindi byiciro bitatu bikurikiyeho, icya kabiri, icya gatatu ndetse n’icya kane.

Mu cyiciro rusange cy’amashuri yisumbuye, abanyeshuri bose bari biyandikishije gukora ikizamini cya Leta bari 90,759 ariko abakoze ni 89,421(99%) barimo abakobwa 47,691 (53,33%) n’abahungu 41,730 (46,67%). , bisobanura ko naho abakobwa ari bo bari benshi.



Aha naho abatsinze ku manota meza yo mu cyiciro cya mbere ni 9, 597 barimo abakobwa 3,623 (37,75%) n’abahungu 5,974 (62,25%). Abandi 79,655 basigaye bo bagize amanota ari mu bindi byiciro bitatu bikurikiyeho, icya kabiri, icya gatatu ndetse n’icya kane.

Kureba amanota, ushobora gukoresha ubutumwa bugufi kuri telefone igendanwa aho ku bakoze ibizami mu mashuri abanzaujya ahandikirwa ubutumwa bugufi ukandika P6 ugakurikizaho Code y’umunyeshuri, ukohereza kuri 489. Kubo mu cyiciro rusange, ho ni ukujya aho bandikira ubutumwa ukandika S3 ugakurikizaho Code y’umunyeshuri hanyuma nabwo ukohereza kuri 489.

KANDA HANO NIBA USHAKA KUREBA AMANOTA KURI INTERNET



TANGA IGITEKEREZO KURI IYI NKURU