Guhera kuri uyu mbere tariki ya 15 mutarama 2018 muri Tanzania inkuru iri kuvugwa mu ikipe ya Simba n’ukuza ku mutoza mukuru mushya w’umufaransa Hubert Velud muri Tanzania isanzwe itozamo umutoza Masudi Djuma watozaga Rayon sport.



Umutoza Hubert Velud wageze muri Tanzania kuri uyu wa mbere, ntabwo yari yerekanwa ku mugaragaro nk’umutoza wa Wekundi wa Usimbazi, gusa nyuma yo kugirana ibiganiro n’umuherwe w’iyi kipe Mohamed Dewji ‘MO’ bakaba bumvikanye ko ari bushyire umukono ku masezerano y’imyaka ibiri. Hubert utoza muri Tuniziya ngo arashaka kwizanira abatoza bungirije

Uyu mutoza w’umufaransa, itangazamakuru ryo muri Tanzania rikaba ryatangaje ko yamaze kubwira umuherwe w’ikipe ya Simba ko azizanira abatoza bane bazakorana kandi baturutse iwabo.

Uyu mugabo w’imyaka 58 biteganyijwe ko yemezwa kuri uyu wa gatatu, afite ibigwi bikomeye mu mupira w’amaguru dore ko yatoje amakipe akomeye arimo TP Mazembe yo muri Congo Kinshasa, Etoil de Tunis yo muti Tuniziya na USM Alger, CS Constantine na ES Setif zo muri Algeria.

Kuza kwa Hubert ngo bishobora gutuma Masudi Djuma ayisohokamo nyuma y’ukwezi kumwe gusa ahawe iyi kipe ngo ayisigarane ubwo mu yari imaze gusezerera umunyacameroon Joseph Omog wari wayijemo muri Nyakanga umwaka ushize.

Abafana b’iyi kipe bakaba bari batangiye kwibaza kuri Masudi, ubwo kuri uyu wa mbere ikipe ya Simba SC yasezererwaga muri Mapinduzi Cup itsinzwe n’ikipe ya URA yo mu gihugu cya Uganda, ikinamo Bokota Labama.



Simba SC yatsinzwe igitego 1-0, nyuma y’uko yari yatsinzwe mu mpera z’icyumweru gishize n’ikipe ya AZAM FC igitego 1-0, ihita iva mu irushanwa.

Umwaka ushize w’imikino, Simba SC yageze ku mukino wa nyuma, aho yasezereye Yanga Africans muri 1/2, ariko iza gutsindwa na AZAM FC igitego 1-0 cyatsinzwe na Himid Mao. Simba ishobora gukurikiza Massoudi umutoza yari yungirije Joseph Omog na we wirukanywe

Massoud Irambona yari yabashije gutsinda umukino wa mbere muri shampiyona yatoje, ubu ikipe ya Simba SC ikaba iri no ku mwanya wa mbere ku rutonde rw’agateganyo rwa shampiyona inganya amanota na AZAM FC.

TANGA IGITEKEREZO KURI IYI NKURU