Arsenal nyuma yo gutsindwa na Tottenham Hotspurs igitego kimwe kubusa k’umukino w’abacyeba bo mumujyi wa London, igitego cyatsinzwe na rutahizamu Harry Kane, abakunzi ba Arsenal barifuza ko umutoza Arsene Wenger yasezera ku murimo wo gutoza iyi kipe agatanga umwanya kubandi batoza.

Abakunzi b'ikipe ya Arsenal bifuza ko umutoza Arsene Wenger yasimburwa



Nyuma y’umukino wa Arsenal na Tottenham Hotspurs, abakunzi benshi ba Arsenal berekanye ko bifuza ko umutoza Carlo Ancelotti wirukanywe n’ikipe ya Bayern Munich yo mu gihugu cy’ Ubudage, ariwe waza gusimbura Arsene Wenger kukazi ko gutoza iyi kipe ya Arsenal, ibi bakaba babigaragarije kunkuta zabo za twitter umukino ukirangira.

Uyu mutoza ukomoka mugihugu cy’ Ubutaliyani, akaba yari yanitabiriye uyu mukino ikipe ya Tottenham Hotspurs yarushijemo cyane ikipe ya Arsenal, niwe abafana ba Arsenal bagarutseho cyane k’ukuba yatoza iyi kipe y’abarashi bo mumujyi wa London.

abakunzi benshi ba Arsenal berekanye ko bifuza ko umutoza Carlo Anchelotti

Uyu mutoza Ancelotti kandi ari mubatoza bahabwa amahirwe menshi yo kuba yasimbura Antonio Conte utorohewe na gato mu ikipe ya Chelsea.



Carlo Ancelotti asanzwe amenyereye cyane shampiyona y’abongereza izwi ku izina rya English Premier League cyane ko yabaye mu ikipe ya Chelsea akayihesha igikombe cya shampiyona ndetse n’icya FA Cup mumwaka w’imikino wa 2009/10.

Kugeza ubu, ikipe ya Arsenal ihagaze kumwanya wa gatandatu k’urutonde rw’agateganyo rwa shampiyona y’ Abongereza, aho irushwa amanota atandatu n’ikipe ya Liverpool ihagaze kumwanya wa kane ndetse ikaba irushwa amanota 24 na Manchester City iyoboye uru rutonde.

Abakunzi b'ikipe ya Arsenal bifuza ko umutoza Arsene Wenger yasimburwa

Iyi kipe, izongera kugaragara mukibuga kuwa kane ubwo izaba ikina umukino wayo wa UEFA Europa League izahuramo na Ostersund mbere yo guhura na Manchester City k’umukino wanyuma w’igikombe cya EFL Cup Final.



TANGA IGITEKEREZO KURI IYI NKURU