Lionel Messi rutahizamu w’ikipe ya Fc Barcelona ndetse n’ikipe y’igihugu ya Argentina yatangaje abakinnyi 3 bakomeye abona aribo bakwiye kwegukana Ballon D’or ya 2018 benshi batungurwa no kuba atashyizemo Cristiano Ronaldo.

Cristiano Ronaldo ntiyashyizwe mu bakinnyi 3 Messi abona ko aribo bakwiye



Ni nyuma y’aho mu myaka icumi ishize Ballon d’Or yagiye yiharirwa n’aba bakinnyi b’ibihangange ku Isi (Cr7 ndetse na Messi), aho ndetse bombi bamaze kwibikaho Ballon d’Or eshanu buri umwe.

Neymar numwe mu bakinnyi Messi abona ko bakwiye kwegukana Ballon d’or ya 2018

Messi aganira n’ikinyamakuru  World Succer Magazine yahishuye ko asanga Ballon d’or y’uyu mwaka wa 2018 ikwiye gupiganirwa hagati y’abakinnyi nka: Neymar Jr, Kylian Mbappe ndetse na Luis Suarez.

Luis Suarez Messi yatangaje ko ari mu bakinnyi abona bakwiye kwegukana Ballon d’or ya 2018



Yagize ati:kuri ubu hariho abakinnyi bakomeye ndetse bashobora kwegukana Ballon d’Or, mu myaka ishize hariho abakinnyi babiri gusa,ariko ubu abakinnyi nka Neymar, Kylian Mbappe, ndetse na Luis Suarez bashobora kuyihatanira.”

Kylian Mbappe arahabwa amahirwe na Messi yo kuba yakwegukana Ballon d’or ya 2018

Aya magambo ya Lionel Messi akaba yateye benshi mu bakurikiranira hafi ibya ruhago kwibaza impamvu ativuze cyangwa ngo avuge mukeba we, Cristiano Ronaldo ko ari we ushobora kuzegukana  iriya Ballon d’or.



TANGA IGITEKEREZO KURI IYI NKURU