Itsinda rigizwe n’abakobwa babiri, (Charly na Nina) bagize icyo bavuga ku bijyanye no kujya guhatana mu irushanwa rya Primus Guma Guma Super Star 8, nyuma yuko mu mwaka ushize baryikuyemo, amahirwe agahita asekera Queen Cha.

Charly ubusanzwe witwa Rulinda Charlotte na Nina witwa Muhoza Nena bamaze kwamamara mu Rwanda no mu bihugu by’abaturanyi babikesha ibihangano byabo bikunzwe nka Try ME(Nshyashya), Mfata, Zahabu, Indoro n’izindi nyinshi.

Rulinda Charlotte na Muhoza Nena nibo bagize itsinda rya Charly na Nina
Rulinda Charlotte na Muhoza Nena nibo bagize itsinda rya Charly na Nina



Mu mwaka wa 2017, Aba bakobwa batoranyijwe mu bahanzikazi bagomba kujya guhatana mu irushanwa rya PGGSS7 gusa ku munota wa nyuma bahita basezera, bavuga ko hari izindi gahunda bwite bafite zitumye batazitabira iri rushanwa, Nyuma yo gusezera kwabo, Mugemana Yvonne uzwi nka Queen Cha niwe wahise abasimbura.

Mu gihe habura iminsi mbarwa kugira ngo abahanzi bazitabira PGGSS8 bamenyekane, Charly na Nina bakomoje ku bijyanye no kuzahatana muri iri rushanwa, aho  bagaragaje ko amahirwe yo kurijyamo ari make cyane.

Charly na Nina bagize bati “Guma Guma n’akazi, tubaye tudafite ibindi bikorwa bakaduhitamo twahatana, gusa mukwa 5 dufite Tour mu burayi, mukwa 7 no mukwa 8 nabwo dufite akandi kazi, biramutse bidahuriranye twazayitabira.”

Charly na Nina ngo nibaba badafite akandi kazi, bazitabira Guma Guma
Charly na Nina ngo nibaba badafite akandi kazi, bazitabira Guma Guma



Leave a Reply