Kuri uyu wa Gatanu tariki ya 9  Gashyantare 2018 akanama gashinzwe amatora ya FERWAFA kagiranye  ikiganiro n’itangazamakuru mu rwego rwo kugaragaza ingengabihe nshya  y’amatora ya perezida wa  FERWAFA azaba tariki ya 31 Werurwe 2018.

Ingengabihe y'amatora ya perezida wa Ferwafa yamaze kujya hanze



Uretse ingengabihe nshya yatangajwe perezida w’aka kanama Kalisa Adolphe  uzwi nka Camarade yatangarije itangazamakuru ko amategeko agenga  amatora ari ayasanzwe  nta mpinduka zizabaho.

Biteganyijwe ko aka kanama kazatangira  ubusabe bwabifuza  kwiyamamariza kuyobora iri shyirahamwe tariki ya 19 kugeza 23  Gashyantare 2018.

Dore gahunda yose uko iteye

Tariki ya 19 kugeza 23 Gashyantare 2018 ni ukwakira ubusabe bw’abifuza kwiyamamariza kuba perezida wa FERWAFA

Tariki ya 28 Gahsyantare kugeza 2 Werurwe 2018 kwiga ku madosiye

Tariki ya 8 Werurwe 2018 kwakira ibyemezo bivuye muri komisiyo y’ubujrire

Tariki ya 9 Werurwe 2018 ikiganiro n’itangazamamkuru no gutanga urutonde ntakuka

Tariki ya 12 kugeza 23 Werurwe 2018 kwiyamamaza ku bakandida

Tariki ya 31 Werurwe 2018  Amatora no gutangaza uwatsinze amatora

Tariki ya 3 Mata 2018 gutanga raporo y’ibyavuye mu matora

Tariki ya 6 Mata 2018 Gushyingura inyandiko z’amatora.



TANGA IGITEKEREZO KURI IYI NKURU