Umwana witwa Mikayla Grove w’imyaka 6 na mama we witwa Inge bakomoka mu mugi wa Ballito muri Afurika y’Epfo, bahuye n’uruva gusenya ubwo baterwaga n’inzoka ya Cobra yari mu musego uyu mwana yari aryamyeho ikabatera ubumara.

Inzoka yo mu bwoko bwa Cobra yariye umwana imusanze munzu
Grove na mama we Inge bakize ubumara bwa Cobra



Uyu mwana w’imyaka 6 ubwo yari aryamye ku buriri bwe,yaje kuryamira iyi nzoka yari munsi y’umusego yari yiseguye maze iramuruma niko guhamagara ababyeyi be bari mu kindi cyumba.

Ubwo uyu mwana yatabazaga,mama we Inge yagize ngo ari kurota niko kujya kumureba ndetse yerekeza ku buriri adacanye itara byatumye iyi nzoka imucira ubumara mu maso.

Nubwo yamuciriye ubumara mu maso,uyu mugore yahanganye nayo ndetse abasha gukiza umwana we nubwo iyi nzoka yari yamurumye ku ijosi ndetse ikamusigira ubumara bwica mu mubiri we.

Aba bombi bahise bajya kwa muganga ndetse bitabwaho bikomeye n’abaganga b’inzobere,byatumye uyu mubyeyi we n’umwana we babasha gukira ndetse uyu mwana yongeye gusubira ku ishuli.

Izi nzoka za Cobra zituruka muri Mozambike,zigera muri Afurika y’Epfo ndetse bivugwa ko ziri ku mwanya wa kabiri mu nzoka zifite ubumara bwica vuba muri Afurika.



TANGA IGITEKEREZO KURI IYI NKURU