Itsinda rya Just Family rikomeje kwerekana imbaraga muri Muzika nyarwanda ryongeye gushimisha abakunzi babo maze bashyira hanze indirimbo nshya yitwa “Benz” iryoheye amatwi, aho bakomoje ku rukundo rushingiye ku mitungo.

Itsinda rya Just Family rigizwe na Chris, Bahati na Jimmy
Itsinda rya Just Family rigizwe na Chris, Bahati na Jimmy bakomoje ku rukundo rushingiye ku mitungo




Just Family n’itsinda riririmba injyana ya Afrobeat, Zouk, na Raggea bakaba baramamaye mu ndirimbo nka Hummer, Mureke Agende bakoranye na Dream Boyz, Nashiriyemo, Single Boy n’izindi nyinshi.

Kuri ubu, Jimmy, Chris na Bahati bagize Just Family bashyize hanze indirimbo yitwa “Benz” ivuga uburyo muri iyi minsi abakobwa n’abasore basigaye bagira urukundo rushingiye ku ifaranga, aho usanga umukobwa ahora agusaba ibintu bitandukanye.




Chris uririmba muri iri tsinda yagiranye ikiganiro na Touchrwanda maze avuga ko “Urukundo rwo muri iyi minsi ahanini rushingiye ku butunzi, kuko abakobwa iyo utabahaye ibintu by’agaciro, nta rukundo baguha, ahanini ngo muri iyi ndirimbo nicyo bashatse kuririmbamo.”

Just Family bakomoje ku rukundo rushingiye ku mitungo
Chris yavuze ko “Benz” bayikoze bashaka kugaragara uburyo abakobwa bakunda imitungo cyane

Just Family kandi barahabwa amahirwe menshi yo kujya mu irushanwa rya Primus Guma Guma Super Star 8 nyuma yuko berekanye ibikorwa by’indashyikirwa, byongeye kubyutsa izina ryabo mu matwi y’abanyarwanda.

Iyi ndirimbo “Benz” yakozwe na Producer Evydecks wo muri Touch Entertainment, bakaba banahamya ko amashusho yayo azakorwa vuba aha.

Itsinda rya Just Family rirahabwa amahirwe yo kujya muri Primus Guma Guma Super Star 8
Itsinda rya Just Family rirahabwa amahirwe yo kujya muri Primus Guma Guma Super Star 8




KANDA HANO WUMVE BENZ YA JUST FAMILY

Leave a Reply