Irushanwa rya Miss Rwanda muri uyu mwaka wa 2018, ryitabiriwe n’Abakobwa 20 batoranyijwe mu Ntara zose z’Igihugu Amajyepfo, Amajyaruguru, Iburasirazuba, Iburengera zuba ndetse n’Umujyi wa Kigali, rirangwa n’ udushya tudasanzwe.

Buri Ntara yagize umubare runaka w’Abari itanga hakurikijwe abitabiriye amajonjora hakabonekamo abujuje ibisabwa.

udushya tudasanzwe twaranze irushanwa rya Miss Rwanda 2018

Abakobwa bose babashije kubona amahirwe yo gukomeza bahwe “PASS”bamaze igihe mu mwiherero waberaga I Nyamata,aho bigishirijwe masomo atandukanye yerekeye ku muco nyarwanda n’uko umwari w’u Rwanda agomba kubahiriza umuco,bakoze imyitozongororamubiri ndetse banitabwaho n’Abaganga binzobere kugira harebwe niba ntakibazo baba bafite mu mubiri.

Uyu mwiherero watangiye ku itariki ya 10 Gashyantare 2018, aribwo abakobwa bose uko ari 20  bahahuriye guhera kugicamunsi kugeza mu masaaha y’umugoroba babana kwerekwa ibihembo uzahiga abandi azegukana, ukaba warangiye kuri uyu wa Gatanu Tariki ya 23 Gashyantare 2018, Aho basubiye mu mago kugira bitegure uyu munsi kuya 24 Gashyantare2018, ubwo uyu muhango uraza kuba ugeze kubushorishori bwawo guhere saa Kumi n’Ebyiri z’Umugoroba.

udushya tudasanzwe twaranze irushanwa rya Miss Rwanda 2018



Nk’uko byemejwe n’abashinzwe gutegura no gushira mu bikorwa irushanwa rya Mis Rwanda, uyu munsi ni uwanyuma hagatangwa ibihembo no kwambika ikamba ku mwari wahize abandi,hakaba hagomba kurara habonetse umwe muri 20 ugomba kurara yitwa Miss Rwanda 2018,asimbuye IRADUKUNDA Elsa Miss Rwanda wa 2017.

Kuva amajonjora y’ Irushanwa rya Miss Rwanda atangiye kugera kuri uyu munsi ibintu bigomba kwisobanura, hagiye hagaragara udushya dutandukanye.

1. Mu gihe hakorwaga amajonjora mu Mujyi wa Kigali niho habaye udushya tudasanzwe, ubwo mubakobwa 14, baribaje mu majonjora yo guserukira umujyi wa Kigali hagaragayemo impanga Ebyiri zivukana kandi zisa mahwi Uwonkunda Belinda na Umutoni Belise ariko umwe muribo Belinda niwe wakomeje munakobwa 20 bagomba kugaragara kuruyu wa Gatandatu hakorwa umuhango wanyuma wo gutanga ikamba kurikwiye.

udushya tudasanzwe twaranze irushanwa rya Miss Rwanda 2018 - Abakobwa b'Impanga Uwonkunda Belinda na Umutoni Belise
Abakobwa b’Impanga Uwonkunda Belinda na Umutoni Belise

2. Mu mico abenshi bazi ikunze kuranga impanga ubwo igihe Uwonkunda Belinda yari mu mwiherero I Nyamata impanga ye Umutoni Belise yaramukumbuye araremba kugeza ubwo yagiye kumusura I Nyamata akabona kugarura agahenge bamaze guhoberana. Kumugoroba wo kuwa Gatanu tariki ya 23 Gashyantare 2018, urutonde rw’agateganyo rwagaragaye Uwonkunda Belinda ariwe urimbere y’abandi mu majwi 33,104.

udushya tudasanzwe twaranze irushanwa rya Miss Rwanda 2018 - Uwonkunda Belinda na Umutoni Belise barakumburanye cyane
Uwonkunda Belinda na Umutoni Belise barakumburanye cyane

3. Tukiri mu Mujyi wa Kigali mu majonjora nibwo habonetse umukobwa Tania Umutoni Muvunnyi watutse abagize akanama nkemurampaka gahagarariwe na Sandrine Isheja Butera, nyuma yo kubura amahirwe yo gukomeza mu irushanwa,akabashinja ruswa ndetse avuga ko hagati yabo uko ari 3 bazarimukira mu muriro utazima bakajya muri gihonomu.



udushya tudasanzwe twaranze irushanwa rya Miss Rwanda 2018 - Tania Umutoni Muvunyi
Tania Umutoni Muvunyi

4. Igihe aba bakobwa 20 berekezaga I Nyamata, hadutse inkuru y’umukobwa Umutoniwase Anastasie wateze moto mugihe abandi bagenzi be bahageze bari mu modoka zihenze, bituma benshi babivugaho mu buryo butandukanye ndetse abandi baramushimira biyemeza kuzamuha amajwi yabo, kurutonde rw’agateganyo rwo kuwa 23 Gashyantare 2018, Anastasie ari kumwanya wa 13 n’amajwi 3,807.

udushya tudasanzwe twaranze irushanwa rya Miss Rwanda 2018 - Umutoniwase Anastasie
Umutoniwase Anastasie

5. Igihe higishwaga umuco Nyarwanda,abakobwa bose 20, bigishijwe uko bakama amata(Inka), gusa icyatangaje benshi n’ibikoresho bifashishije bigishwa nk’AKADOBO ka OMO kandi hamenyerewe ko mu muco Nyarwanda hakoreshwa icyansi-Inkongoro, Nyuma yaho abashinzwe gutegura irushanwa Rwanda Inspiration Back up basabye imbabazi Abanyarwanda bemera ko bakoze amakosa.

udushya tudasanzwe twaranze irushanwa rya Miss Rwanda 2018 - Bigishwaga gukama bifashishije akadobo ka NOMI"ISABUNE Y'IFU"
Bigishwaga gukama bifashishije akadobo ka NOMI”ISABUNE Y’IFU”

Ibyaranze uyu muhango ,harimo ibyagaragaye neza mu maso yarubanda barikurikiye n’ibyagaragaye nabi, birashyirwaho umufuniko, maze hagaragazwe umusaruro w’uko abantu bagiye batora baha amahirwe uwo bashyigikiye ko yaba miss W’u Rwanda 2018.



udushya tudasanzwe twaranze irushanwa rya Miss Rwanda 2018
Iyi niyo Modoka irahabwa uraba Miss Rwanda 2018, arahita ayihabwa

Irushanwa rya Miss Rwanda uyu mwaka 2018, rigaragara ko rifite isura itandukanye n’indi myaka ashize kuko harafatwa ibisonga bibiri gusa mu gihe hari hasanzwe hafatwa bitanu, nanone umubare w’abakobwa bahatana kuri final baraba ari 10 mugihe muy’indi myaka babaga ari batanu.

TANGA IGITEKEREZO KURI IYI NKURU