Kumenya umusore w’imanzi ntibyoroshye ariko ugendeye kuri ibi bimenyetso byashyizwe ahagaragara bishobora kugufasha kubitahgura mu buryo butagoranye cyane. Irebere uko wabigenza kugira ngo umenye niba umusore mukundana ari imanzi.

Reba uko wabigenza kugira ngo umenye niba umusore mukundana ari imanzi


Ikinyamakuru Pulse.ng cyagaragaje ibimenyetso bitatu bishobora kwereka wowe mukobwa cyangwa umugore ko umusore mukundana ari imanzi. Ni mu gihe ku bakobwa b’amasugi, mu gihe cy’imibonano mpuzabitsina bava amaraso, bikaba bitandukanye n’abasore.

IBIMENYETSO BITATU BYAKWEREKA KO UMUSORE MUKUNDANA ARI IMANZI:

1. Mwegere umusabe kukubwiza ukuri:
Kugira ngo umenye niba umusore mukundana akiri imanzi, wowe mukobwa urasabwa kumwegera ukamusaba kukubwiza ukuri niba nta mukobwa cyangwa umugore yari yaryamana nawe. Niba koko mukundana by’ukuri azakubwiza ukuri na cyane ko urukundo nyarwo rutubakira ku kinyoma.

2. Uburyo asabana n’ab’igitsinagore:
Abasore bakiri imanzi ngo ntabwo bakunda gusabana cyane n’ab’igitsinagore ndetse n’iyo bahuye bikaba ngombwa ko bahoberana, usanga bene aba basore biba bitabashishikaje cyane uko usanga bagize ubwoba bagasuhuzanya bakoresheje intoki mu gihe uwari uje kubasuhuza yashakaga ko bahoberana.

3. Ntibakunda abakobwa babasura mu rugo:
Abasore benshi bakunda ko abakobwa babasura mu ngo zabo ariko siko bimeze ku basore bakiri imanzi kuko bo baba badashaka ko abakobwa babasura byongeye kuba baganirira ku buriri n’abakobwa ngo ni ibintu aba basore bagendera kure. Iyo bibayeho wenda batunguwe n’abakunzi babo, bagira isoni nyinshi kugeza aho kuvuga bibananira.

Mu gusoza iyi nkuru, twasaba urubyiruko kwirinda ingeso y’ubusambanyi kuko ari icyaha byongeye ukaba ushobora kuhakura indwara zandurira mu mibonano mpuzabitsina idakingiye ndetse ukaba ushobora no gutwara inda itateganyijwe. Abakiri imanzi ndetse n’abakiri isugi muharanira guhorana iryo shema kugeza igihe kigeze mukarushingana n’abo Imana izaba yabahitiyemo.


TANGA IGITEKEREZO KURI IYI NKURU