Umubyinnyi w’umuhanzi Diamond Platnumz uzwi ku izina rya Mose Iyobo, akaba ari nawe uhagarariye abandi babyinnyi bo muri Wasafi Records ya Diamond yihereranye abanyamakuru babiri bakorera ikinyamakuri gikomeye cyo muri Tanzania arabakubita bibaviramo ingaruka yo kujya mu bitaro.

Umubyinnyi wa Diamond Platnumz yihereranye abanyamakuru 2 arabakubita



Mu banyamakuru bibasiriwe bagakubitwa ntambabazi n’uyu musore, harimo Soudy Brown na Kwisa bakora mu kiganiro cyitwa Shilawadu biturutse ku bibazo bari bamubajije byerekeranye n’inkundura umugore we aherutse kugirana na Tunda uri mu bakobwa bavugwa cyane muri Tanzania.

Aba banyamakuru ba Clouds muri Tanzania bakimara gukubitwa, bajyanwe kwitabwaho n’Abaganga maze nyuma yahoo batangira kunyuza amafoto ku mbugankoranyambaga abagaragaza bafite ibipfuko ndetse nabimwe bashira ku muntu wavunitse kugira ngo bimufashe kongera guhuza amagufa yatandukanye.

Amakuru akomeje kugenda avugwa ni uko umwe muribo yaba yanakurijemo ingaruka zo kuvunika ijosi kuko byagaragaye ko yashyizweho icyo kurishigikira, uyu mubyinnyi rero ntiyabakubise gusa ahubwo yongeyemo n’urugomo rwo kumenagura bimwe mu bikoresho byabo harimo na Camera.

Umubyinnyi wa Diamond Platnumz yihereranye abanyamakuru 2 arabakubita



Mu kiganiro aba banyamakuru bombi basanzwe bakorera kuri Clouds bavuze ko bababajwe bikomeye na Iyobo wabakubise akanangiza ibikoresho byabo.

Umwe yagize ati Akazi kacu kameze nk’ikizamini gikomeye cyane, benshi mu byamamare baradushyigikira. Umugoroba wa none ubwo twari mu kazi hari utatworohereje ubwo twasabaga kuganira n’umuntu, ubu dufite ibikomere byinshi mu mayunguyungu n’ibiganza, ibikoresho byacu nabyo byangijwe cyane.”

Iyobo ushinjwa gukubita aba banyamakuru atangaza ko ikirego cyo guhohotera abanyamakuru n’abandi bakozi ba televiziyo yabibonye ku mbuga nkoranyambaga ndetse no muri icyo kiganiro cyatambutse mu mpera z’icyumweru gishize.

Umubyinnyi wa Diamond Platnumz yihereranye abanyamakuru 2 arabakubita

Abanyamakuru babiri bo muri Tanzania bakubiswe n’umubyinnyi wa Diamond

Yagize ati “Nabyumvise mu kiganiro cyabo no ku mbuga nkoranyambaga, njye sindi ’bouncer’ cyangwa mayibobo yo kuba nakora ibyo bintu. Ntabwo nabakubise, baje bafite intego zo gushaka amakuru yo gutangaza, sinabyishimiye mpita nigendera.”

Kugeza ubu nyuma y’ikubitwa ry’aba banyamakuru, ikinyamakuru bakorera cyatangaje ko kitazongera gukina indirimbo z’Abahanzi baturutse muri Wasafi Records kugeza ubwo bazabanza gusaba imbabazi n’impozamarira ku bakubiswe baryozwa akazi kabo.



TANGA IGITEKEREZO KURI IYI NKURU