Uwitwa Habineza Jean Paul usanzwe ari umuhanzi w’injyana ya Hip Hop yatangaje ko yifuza gukabya inzozi ze maze akaba umu Depite, ndetse ngo araterwa ishema no kuzafatanya umuziki n’ubuyobozi.

Uyu musore w’imyaka 26 ngo kuva mu bwana bwe yahoraga arota kuzaba umu Depite, none arumva igihe cyageze kugira ngo akabye inzozi ze.

Habineza Jean Paul usanzwe ari umuraperi ngo arifuza kuba umu Depite
Habineza Jean Paul usanzwe ari umuraperi ngo arifuza kuba umu Depite



Kuva akiga mu mashuri yisumbuye nabwo ngo yari umuyobozi mu nzego z’abanyeshuri, kuba akora umuziki nabyo ngo bizamufasha cyane kuko azajya abona inzira zoroshye zo gutambutsa no kuvugira abaturage mu buryo bworoshye.

Mu kiganiro yagiranye na Touchrwanda yagize ati ” Nitwa HABINEZA Jean Paul uzwi nka Simple A Catechist, umuhanzi mu njyana ya Hip Hop. Ndangije Kaminuza mu ishami ry’iyobokamana muri Kaminuza Gatolika y’u Rwanda. Mfite imyaka 26 y’amavuko. Ndi ingaragu mvuka ku kagari ka Tara ho mu murenge wa Mururu, akarere ka Rusizi. Ubu ntuye mu karere ka Huye. Kuva ndi igitambambuga nagiraga inzozi zo kuzaba umudepite. Nahise ntangira imyiteguro no gukusanya ibimenyetso byemeza iyo myiteguro yanjye. Igisa n’igisigaye ni ukumenyekanisha izina ryanjye kugirango igihe cyo gutanga kandidatire ntirizumvikane nk’irishyashya mu matwi y’abanyarwanda.”

HABINEZA Jean Paul yiyise Simple A Catechist mu muziki
HABINEZA Jean Paul yiyise Simple A Catechist mu muziki
Ngo akiga mu mashuri yisumbuye nabwo yari umuyobozi mu banyeshuri
Ngo akiga mu mashuri yisumbuye nabwo yari umuyobozi mu banyeshuri



Leave a Reply