South Carolina muri Leta Zunze Ubumwe za Amerika, impanuka ya gariyamoshi ebyiri zagonganye yahitanye ubuzima bw’abantu babiri abandi barenga 50 barakomereka.

Impanuka ya gariyamoshi ebyiri zagonganye ihitanye babiri abandi barakomereka



Gariyamoshi yo muri kompanyi ya Amtrack yari itwaye abagenzi 147 ivuye i New York yerekeza Miami yagonganye na gariyamoshi yari itwaye ibintu aho babiri bitabye Imana abandi barenga 50 bagakomereka. Iyi mpanuka ikaba ije nyuma y’aho mu minsi ine ishize, umushoferi yitabye imana ubwo imodoka yari atwaye yagonze gariyamoshiyari itwaye abanyamategeko murileta ya Virginia.

Police yo muri ako gace impanuka yabereyemo yemeje ko babiri bitabye Imana kare kare mu gitondo cy’iki Cyumweru mu mpanuka yabereye mu mujyi wa Cayce, umaze kurenga neza umurwa mukuru wa leta ya Columbia ho muri South carolina.

Abashinzwe ubutabazi (The American Red Cross) bohereje abafasha aho impanuka yabereye, magingo aya abantu bose bari muri iyo gariyamoshi bakaba bashoboye gutabarwa no kuvanwa muri iyo gariyamoshi.

Impanuka ya gariyamoshi ebyiri zagonganye ihitanye babiri abandi barakomereka

Ubuziranenge bw’izi gariyamoshi za Amtrack bukaba bwarakunze gushyirwamu majwi kuva aho impanuka nyinshi zitangiye kubera kandi zigasiga zihitanye abagezi bakoreshaga izi gariyamoshi.



TANGA IGITEKEREZO KURI IYI NKURU