Manchester United na Celtic bari mu gahinda nyuma y’uko umugabo Liam Miller wakiniye aya makipe yombi yitabye Imana azize kanseri (pancreatic cancer) yari amaze igihe arwaye.

 Uwahoze akinira ikipe ya Manchester United yitabye Imana



Miller apfuye afite imyaka 36, azize indwara yamenye ko arwaye mu Ugushyingo umwaka ushize wa 2017, ubwo yari mu bitaro byo muri Leta Zunze Ubumwe z’Amerika, aho yari amze iminsi yitabwaho n’abaganga ariko birangiye iyi ndwara imuhitanye.

Liam Miller kandi yakiniye andi makipe yo mu gihugu cy’ Ubwongereza nka Leeds na Sunderland, mbere yo kwerekeza muri Leta Zunze ubumwe z’Amerika aho yakinaga mu ikipe ya Wilmington Hammerheads, akaba yitabye imana habura iminsi 4 gusa ngo yizihize isabukuru y’imyaka 37.

Miller yatangiye gukina umupira nk’uwabigize umwuga mu mwaka wa 2000, aho atangirira  mu ikipe ya Celtic, ayivamo yerekeza mu ikipe ya Manchester United aho yakiniye imikino 22, hanyuma atizwa mu ikipe ya Leeds, nyuma aza kuyivamo yerekeza mu ikipe ya Sunderland.

 Uwahoze akinira ikipe ya Manchester United yitabye Imana

Yakiniye ikipe y’igihugu ya Republic of Ireland imikino 21, ayitsindira igitego kimwe ndetse yagaragaye mu makipe y’abana atandukanye y’iki gihugu.



TANGA IGITEKEREZO KURI IYI NKURU