William Clyde Gibson ukomoka muri leta ya Indiana muri Leta Zunze Ubumwe za Amerika yatunguye abantu ubwo yatangarizaga umunyamakuru ko umubare w’abagore 3 ubushinjacyaha bwamushinje ko yishe ari bake, ahubwo ko yishe benshi.

Yatangaje ibyaha ubuhinjacyaha bwibagiwe kumushinja benshi barumirwa



Uyu Clyde Gibson, kabuhariwe mu kwica abantu yakatiwe igihano cy’urupfu mu mwaka wa 2014, ibi by’uko yishe abantu batagira mbarwa yabitangarije umunyamakuru ukorera Televiziyo ITV yo mu Bwongereza Sir Trevor McDonald, ubwo yamusuraga muri gereza afungiwemo mbere y’uko yicwa.

Ubwo uyu mwicanyi yari agiye kuganira n’uyu munyamakuru
Ubwo uyu mwicanyi yari agiye kuganira n’uyu munyamakuru

Yagize ati: “bigitangira nicaga abagore gusa, ariko byageze nyuma nica n’abagabo. Rwari uruhare rwa polisi gushaka uwishe abantu ntabwo nari kujya kubahamagara. Ntabwo bigeze babona abagabo nishe niyo mpamvu banshinje abagore gusa.”

Uyu mugabo William Clyde Gibson, umwicanyi ruharwa w’imyaka 60, yabwiye Sir Trevor McDonald ko intandaro yo gutangira kwica ari umugore we wamufashe ari kumuca inyuma agashaka guhamagara polisi, niko kumuniga.

William kandi yabwiye uyu munyamakuru ko nta mutima wa kimuntu yumva agira, ndetse ko atajya yicuza kuba yarishe abantu benshi nubwo abo yashinjwe kwica ari 3 gusa.



TANGA IGITEKEREZO KURI IYI NKURU