Urugendo rw’Ikipe ya Chelsea FC Chelsea muri Champions League rurangiye isezerewe muri 1/16 inyagiwe na FC Barcelona ibitego 3-0 mu mukino wo kwishyura mu gihe umukino ubanza warangiye amakipe yombi anganyije 1-1.

FC Barcelona yeretse Chelsea umugabo uwo ari we

FC Barcelona yahabwaga amahirwe na benshi mu bakunzi ba ruhago,yafunguye amazamu umupira ugitangira ku munota wa 3 ku gitego cyatsinzwe na Lionel Messi.

FC Barcelona yeretse Chelsea umugabo uwo ari we

Ku munota wa 20, abakinnyi bo hagati batakaje umupira Messi arawufata asigarana n’aba myugariro 2 Christensen na Azpilicueta arabacenga niko gutanga umupira mu rubuga rw’amahina usanga Ousmane Dembele aho yari ahagaze ashyiramo igitego cya kabiri cyashyize Chelsea mu mazi abira cyane.

Ousmane Dembele ashyiramo igitego cya kabiri


Ikipe ya Chelsea yagerageje guhererekanya neza umupira ndetse ikomeza kugaragaza ko yagarutse mu mukino aho byayihiriye ikabona Coup Franc mu minota ya nyuma y’igice cya mbere yatewe na Marcos Alonso ikubita igiti cy’izamu.

FC Barcelona yeretse Chelsea umugabo uwo ari we

Mu gice cya kabiri,ikipe ya FC Barcelona yaje kongera kubona amahirwe akomeye ku munota wa 64 Messi acenga abakinnyi b’inyuma ba Chelsea niko gusigarana n’umunyezamu Thibaut Courtois amutsinda igitego cya 3 cyabaye igitego cye cya 100 atsinze muri aya marushanwa.Umukino warangiye ari ibitego 3-0.

Ikipe ya Chelsea FC yagerageje gukina neza umukino w’uyu munsi

Ikipe ya Chelsea FC yagerageje gukina neza umukino w’uyu munsi ndetse ntabwo yaruhijwe cyane na FC Barcelona gusa abakinnyi bayo bagiye bakora amakosa agahumira ko umunyezamu Courtois atari ahagaze neza uyu munsi aribyo byatumye FC Barcelona ibona ibitego 3-0.

FC Barcelona yeretse Chelsea umugabo uwo ari we

Mu wundi mukino wa 1/16 wabaye, ikipe ya Bayern Munichen yo mu gihugu cy’ Ubudage yatsinze Beskitas Istanbul yo muri Turkiya ibitego 3-1 iyisanze iwayo byiyongereye ku bitego 5-0 yayitsinze mu mukino ubanza.

FC Barcelona yeretse Chelsea umugabo uwo ari we

Iki cyiciro cya 1/16 kikaba cyarangiye amakipe ashoboye kugera muri ¼ ari: Real Madrid, Liverpool, Juventus, AS Roma, Sevilla FC, Bayern Munichen, FC Barcelona na Manchester City. Tombola y’uko amakipe azahura mu mikino ya 1/4 itegaijnywe kuri uyu wa Gatanu Taliki ya 16 Werurwe 2018 saa 13h00.

TANGA IGITEKEREZO KURI IYI NKURU