Umukobwa Umutesi Afsa Teta umaze igihe avugwa ko agiye gushyingiranwa n’umugabo umurusha imyaka myinshi igera kuri 24, byarangiye inkuru ibaye impamo ubukwe butaha bose babireba Aman Casmir yitwa inkingi y’urugo undi nawe yitwa mutima w’urugo nk’uko abenshi babikoresha ku biyemeje kurushinga.

 Miss Rusizi arongowe na Casmir umurusha imyaka 24 yose

Uwase Afsa Teta yabaye Nympinga wa kabiri w’Akarere ka Rusizi mu mwaka wa 2016, kugeza n’ubu akaba yari agifite iri Kamba ataragira umusimbura kuri uyu mwanya.

Amakuru y’uko agiye kurongorwa yamenyekanye muri Gashyantare 2018, hagati aho icyagarutsweho na benshi cyane ni uko yari agiye kurushinga n’umugabo umurusha imyaka myinshi, kugeza ubwo bamwe na bamwe bagiye bavuga ko akurikiye agafaranga.

 Miss Rusizi arongowe na Casmir umurusha imyaka 24 yose

Aman Casmir wishumbushije uyu mwari, ubusanzwe azwiho gukora ibikorwa by’ubucuruzi akaba ari nayo mpamvu ntanumwe washidikanyaga ko Afsa agiye kumusanga ashaka kugira yibere mu mafaranga. Ubusanzwe ubucuruzi bw’uyu mugabo abukorera mu Karere ka Rusizi arinaho agiye kwibera n’umugeni we.

Kuri uyu wa 23 Werurwe 2018 nibwo Amani Casmir na Umutesi Afsa Teta basezeranye imbere y’amategeko mu Murenge wa Kamembe, ndetse haba n’imihango yo gusaba no gukwa.Biteganyijwe ko ejo kuwa Gatandatu tariki ya  24 Werurwe 2018 ari bwo Casmir azegukana Afsa nyuma yo gusezerana mu idini rya Isilamu.

 Miss Rusizi arongowe na Casmir umurusha imyaka 24 yose

Casmir agiyekwegukana uyu mukobwa wahize abandi bose mu buranga batuye Akarere ka Rusizi nyuma yo gutandukana n’undi mugore babanaga mu myaka irindwi ishize.

Mu gihe amakuru y’urukundo rw’aba bombi yamenyekanaga, abantu benshi batangiye kubifata nk’ibintu bidasanzwe kuko bamwe na bamwe batapfaga kubyiyumvisha mu gihe bari bagitsimbaraye ko Afsa yaba akurikiye amafaranga, ariko hagati aho abakundanye bo bavuze ko urukundo rwabo rufite intego ntaburyarya burimo.



 Miss Rusizi arongowe na Casmir umurusha imyaka 24 yose

Ikimenyetso cya mbere cy’umubano wa Afsa Teta na Casmir cyagaragaye kuri uyu wa Gatanu tariki ya 23 Werurwe, bikaba biteganyjwe ko Ejo aribwo hazashirwa akadomo ku rukundo nyarwo ruri hagati yabo basezerana imbere y’Imana.

TANGA IGITEKEREZO KURI IYI NKURU