Umuhanzikazi ukomeye mu gihugu cy’u Rwanda, Butera Knowless yavuze kuri Ruswa ishingiye ku gitsina yagiye ivugwa mu muziki cyane cyane ku bahanzikazi.

Butera Knowless w’imyaka 27 mu muziki yakunzwe mu ndirimbo nyinshi zitandukanye nka Ujya Unkumbura, Winning Team, Nkoraho, Ibidashoboka, Ca Va, Rejoice, Sinzakwibagirwa n’izindi.

Butera Knowless n'umuhanzi w'umunyabigwi ukunzwe cyane mu Rwnda
Butera Knowless n’umuhanzi w’umunyabigwi ukunzwe cyane mu Rwnda

Uyu mugore watwaye irushanwa rya Primus Guma Guma Super Star 5 yakomoje ku bijyanye na Ruswa ishingiye ku gitsina yagiye ivugwa muri Muzika, aho usanga umuntu aha Service umuhanzikazi babanje kuryamana.

Hari abakobwa benshi bakora ibikorwa by’umuziki, Gukina Film, Kumurika imideli bagiye bashyira mu majwi abantu babatse Ruswa ishingiye ku gitsina ugasanga bikuruye umwiryane ukomeye.

Knowless nawe yavuze ko mu muziki yahuye na byinshi kandi bigoranye birimo nko kuba wasaba Umuhanzi w’icyamamare ko mwakorana indirimbo(Collabo), Kugorana kw’aba Producers n’abanyamakuru bamwe na bamwe gusa ngo nta numwe wigeze amwaka Ruswa ishingiye ku gitsina.

Butera Knowless yavuze ko atigeze ahura na Ruswa ishingiye ku gitsina
Butera Knowless yavuze ko atigeze ahura na Ruswa ishingiye ku gitsina

INSHAMAKE KU BUZIMA BWA BUTERA KNOWLESS

Jeanne d’Arc Ingabire niyo mazina asanzwe y’umuhanzi uzwi ku izina rya Knowless. Ni mwene Jean Marie Vianney Butera na Marie Claire Uyambaje. Yavukiye mu Karere ka Ruhango hahoze hitwa Gitarama, kuwa 1 Ukwakira 1990, akavuka ari ikinege.

Amashuri abanza yayigiye ku Kacyiru mu kigo cya ESCAF, ayisumbuye ayakomereza mu Ruhango mu kigo cya APARUDE nuko aza kuyarangiriza i Nyamirambo mu ishuri rya APACE, Kaminuza ayigamuri ULK mu ishami ry’icungamutungo.

Knowless n’umugore wubatse mu buryo bwemewe n’amategeko, akaba yararushinganye na Ishimwe Clement ku ya 7 Kanama 2016, ndetse bamaze kubyarana umwana umwe w’umukobwa witwa Ishimwe Or Butera.

Butera Knowless yashakanye na Clement ndetse bamaze kubyarana umwana umwe witwa Ishimwe Or Butera
Butera Knowless yashakanye na Clement ndetse bamaze kubyarana umwana umwe witwa Ishimwe Or Butera

TANGA IGITEKEREZO KURI IYI NKURU