Umuhanzi umaze kuba ikimenyabose muri Africa, Rajab Abdul Kahali wamamaye ku izina rya Harmonize mu muziki yamaze gusesekara mu mujyi wa Kigali aho aje kwitabira igitaramo cya The Mane Music Label.

Harmonize w’imyaka 24 ni umuhanzi ukomeye ubarizwa mu nzu ya Wassafi Record iyoborwa na Diamond Platnumz uherutse gusura u Rwanda, akaba yaramamaye mu ndirimbo nka Happy Birthday, Shulala, Bado, Nishachoka n’izindi nyinshi.

Mu gitondo cyo kuri uyu wa Kane Tariki ya 22 Werurwe 2018, nibwo Harmonize yasesekaye mu mujyi wa Kigali, ashimangira ko agiye gukora igitaramo cy’uburyohe mu Rwanda.

Uyu musore ukunzwe cyane yageze  i Kigali ku i saa kumi n’ebyiri z’igitondo akaba yarari kumwe n’umukobwa umwe, yakiriwe na Bad Rama uhagarariye The Mane ndetse n’abandi bantu bake bari gufatanya na The Mane gutegura ibi bitaramo byo kuyimurika.

Harmonize yamaze gusesekara i Kigali
Harmonize yamaze gusesekara i Kigali
Bad Rama uhagarariye The Mane
Bad Rama uhagarariye The Mane

Ibi bitaramo bizabimburirwa n’ikizabera mu karere ka Musanze kuri sitade Ubworoherane kuwa 23 Werurwe 2018 ndetse n’ikizaba kuwa 24 muri Camp Kigali.  Muri ibi bitaramo byose  kwinjira bizaba ari amafaranga y’u Rwanda 5000 mu myanya isanzwe, 10.000 ku myanya y’icyubahiro ku bazagura amatike mbere na 15.000 ku bazayagurira ku muryango ndetse n’ameza y’abantu umunani ya 200.000 Rwf.

Harmonize azafatanya n’abahanzi batandukanye bo mu Rwanda barimo; Riderman, Marina na Safi Madiba babarizwa muri The Mane, Queen Cha, Yvan Buravan, Deejay Pius, Uncle Austin, Christopher n’abandi benshi.

TANGA IGITEKEREZO KURI IYI NKURU