Nzamwita Olivier Joseph, wihimbye M1 nk’izina ry’ubuhanzi yagarukanye imbaraga nshya nyuma yo kubona Management nshya izajya imufasha muri Muzika ihagarariwe na Mushiki we.

M1 n’umuririmbyi wamamaye cyane mu Rwanda mu njyana ya Dancehall na Afrobeat, benshi bakaba bamuzi mu ndirimbo nka Brenda, Kigali yananiye, Iyo Photo, Nsanga ku cyapa n’izindi nyinshi.

Nzamwita Olivier Joseph, wihimbye M1 nk’izina ry’ubuhanzi yagarukanye imbaraga zihambaye mu muziki
Nzamwita Olivier Joseph, wihimbye M1 nk’izina ry’ubuhanzi yagarukanye imbaraga zihambaye mu muziki

Kuri ubu, uyu musore uri kubarizwa muri Management nshya ya “One More Music” yashinzwe na Esther Rubera(Mushiki we) yavuze ko uyu mwaka agiye kwerekana itandukaniro rihambaye.

M1 wanashyize hanze indirimbo nshya yitwa Perfect iherekejwe n’amashusho yayo arashimangira ko abakunzi be batazongera kumubura ukundi kuko ngo One More Music izamufasha kugera kubyo atagezeho mu myaka yashize.

Umuhazi M1 yabonye Management nshya ya “One More Music” yashinzwe na Esther Rubera(Mushiki we)
Umuhazi M1 yabonye Management nshya ya “One More Music” yashinzwe na Esther Rubera(Mushiki we)

M1 kandi avuga ko mu minsi iri imbere azakorana indirimbo na Ali Kiba kuko ngo yabanje gukorana n’umusore usanzwe umufasha ku rubyiniriro kugira ngo Ali Kiba abanze yumve imiririmbire ye, ibi akaba abibonamo nk’inzira yagutse izamufasha gukorana n’abandi bahanzi b’ibyamamare.

Esther (Mushiki wa M1) akaba ari nawe washinze One More Music yabwiye umunyamakuru wa Touchrwanda ko bafite intumbero yo kwerekana itandukaniro mu muziki w’u Rwanda babifashijwemo n’ibikoresho bigezweho ngo biri muri Studio yabo

M1 wabonye Management nshya ngo abakunzi be ntibazongera kumubura
Esther yabwiye umunyamakuru wa Touchrwanda ko One More Music izateza imbere muzika nyarwanda
Producer Nessim ukorera muri Uganda niwe wakoze Perfect ya M1
Producer Nessim ukorera muri Uganda niwe wakoze Perfect ya M1

KANDA HANO UREBE AMASHUSHO YA “PERFECT” YA M1

TANGA IGITEKEREZO KURI IYI NKURU