Saa tatu n’iminota 31 mu ijoro ryo kuwa mbere tariki ya 19 Werurwe ni bwo indege ya RwandAir yazanye ikipe ya Rayon Sports yasesekaye ku kibuga cy’indege mpuzamahanga i Kanombe, aho yakiriwe na Gikundiro Forever.

Rayon sports yakiriwe na Gikundiro Forever ivuye muri Afurika y'epfo ni njoro

Nyuma yo gusezererwa na Mamelodi Sundowns muri CAF Chmapions League igakomereza muri CAF Confederation Cup, Rayon Sports yasesekaye i Kigali yakirwa gitwari, iza ivuga imyato Ambasade y’u Rwanda muri Afurika y’epfo kubera uruhare yagize ngo uregendo ruyihire. Ikipe ya Rayon sport yakiriwe n’abafana batari benshi kuko umuvundo utemewe mu bice byose bifite aho bihurira n’abashyitsi bitabiriye inama ya AU.

Nyuma y’igihe kitarambiranye, abakinnyi n’abayobozi ba Rayon Sports baje gusohoka bakirwa n’abafana bari ibategereje iyi kipe, maze bahita bakomereza aho itsinda ry’abafana ba ‘Gikundiro Forever’ bari yateguye kubakirira.

Aho ni ho bahuriye na Perezida wa rayon Sports, Paul Muvunyi, maze mu ijambo ryuje amashimwe n’impanuro, abashimira ko bahesheje ishema u Rwanda n’ubwo batabashije gutsinda kandi ari yo ntego.

Muvunyi yagize ati “Mu Rwanda gutsindwa ntibibaho, ntiwakwirirwa unabivuga. Ariko mu mupira w’amaguru bibaho […] Rayon Sports ni ikipe itsinda, ni na yo mpamvu iriho, bibaye atari uko bimeze ntiyaba iriho […] Mwatsinzwe bibiri ariko muhita mujya mu rindi rushanwa. Ririya ryo ni ugutsinda, mube ari ibyo mugoira intego.”

Mu izina rya bagenzi be, Kapiteni wa Rayon Sports, Ndayishimiye Eric ‘Bakame’ yashimiye ubuyobozi bw’ikipe bwakoze uko bushoboye ngo bubafashe bitware neza baheshe ishema u Rwanda, aboneraho kuvuga ko yaba abo bakinagana nab o,ndetse n’abafana bari bari muri Stade bose bari bazi ko bagiye kunyagirwa imvura y’ibitego.

Bakame yagize ati “Abafana bari bari muri Stade, ndetse n’abakinnyi ba Mamelodi Sundowns batubwiye ko tubatunguye, ngo turakomeye mu buryo batakekaga, kuko bari bazi ko badutsinda nibura ibitego bitanu bikaba ari byo bike.”

“Turashimira ubuyobozi bwa Rayon Sports bwatubaye hafi ku buryo ntacyo twigeze tubaburana. Turashimira kandi Ambasade y’u Rwanda muri Afurika y’epfo kuko yatumye urugendo rwacu ruba ‘Ntamakemwa.”

Yakomeje avuga ko Ambasade y’u Rwanda yari yateguye umuntu wo kwakira Rayon Sports, akayiyobora kandi akayifasha muri byose. Ambasade ni na yo yateguye aho Rayon Sports yafatiraga amafunguro, aho batayafatiye muri Hoteli bacumbikiwemo ahubwo bakajya mu buriro (Restaurant) bw’Umunyarwanda uba yo.

Nyuma yo gusezererwa muri CAF Champions League, abakinnyi ba Rayon Sports bahawe ikiruhuko cy’iminsi ibiri, bakazasubukura imyitozo kuwa kane bitegura gukina na Sunrise FC mu mukino w’umunsi wa 15 wa Azam Rwanda Premier League uteganyijwe kuwa mbere tariki ya 26 Werurwe 2018.

TANGA IGITEKEREZO KURI IYI NKURU