Rurangayire Guy Didier yasoje amasomo y’icyiciro cya gatatu cya Kaminuza “Master’s” mu bya Siporo n’amasomo y’ibya Olempike (Sports and Olympic Studies) muri Kaminuza ya Tsukuba yo mu Buyapani.

Rurangayire Guy yasoje amasomo y’icyiciro cya 3 cya Kaminuza muri Siporo

Rurangayire Guy usanzwe ari umukozi muri Minisiteri ya siporo n’umuco (MINISPOC) ushinzwe amakipe y’igihugu yose, yasoje amasomo yari amazemo imyaka ibiri ari gukurikirana. Ni umuhango witabiriwe na Perezida wa Komite Olempike mu Rwanda.

Rurangayire Guy yasoje amasomo y’icyiciro cya 3 cya Kaminuza muri Siporo

Umuhango wo gusoza amasomo kwa Rurangayire wahuriranye n’uruzinduko rw’akazi Perezida wa Komite Olempike y’u Rwanda (CNOSR), Amb. Munyabagisha Valens, yagiriye mu Buyapani, aho yaratiye amahanga uruhare rwa siporo mu iterambere ry’u Rwanda nyuma ya Jenoside yakorewe Abatutsi mu 1994.

Rurangayire Guy yasoje amasomo y’icyiciro cya 3 cya Kaminuza muri Siporo

Iyo Kaminuza ya Tsukuba International Academy for Sports Studies Rurangayire aminurijemo yigamo abandi banyarwanda babiri, Shema Maboko Didier Umusifuzi mpuzamahanga mu mikino ya Basketball na Nzeyimana Celestin wahoze ari Umuyobozi w’Ishyirahamwe ry’imikino y’Abafite ubumuga (NPC)

Rurangayire Guy yasoje amasomo y’icyiciro cya 3 cya Kaminuza muri Siporo

Komite Olempike y’u Rwanda itangaza ko urwo ruzinduko Ambasaderi Munyabagisha yari arurimo kuwa 23 Werurwe 2018, rukaba rwari rugamije gusuzuma uburyo CNOSR yagirana umubano na kaminuza ya Tsukuba yo mu Buyapani

IGITEKEREZO 1

TANGA IGITEKEREZO KURI IYI NKURU